গীতসংহিতা 54 - Chakma Bible

গান পরিচালগত্তে। তারর্ বাজনা সমারে গাহ্ পড়িবো। দায়ূদোর দুঘোত্ তবনার-গান। সীফীয়োগুনে যেইনে যেক্কে শৌলরে জানেলাক্, দায়ূদে তারা ইদু যেইনে পৌল্যেই আঘে, গান্নো সেই সময়োর।

¹ ও গোজেন, তর্ খেমতালোই তুই মরে উদ্ধোর গর্; মুই যে ন্যায়পদত্ আগং সিয়েন তর্ খেমতালোই তুই দেগেই দে।

² ও গোজেন, তুই মর্ তবনাগান শুন্, মর্ মুয়োন কধানি কান পাদ্।

³ অন্যজাদর্ মানুচ্চুনে মর্ বিরুদ্ধে লাক্যন্; অত্যেচারিগুনে মর্ পরাণান্ নিবাত্তে চেট্ট্যা গোজ্যন্; গোজেন উগুরে এ মানুচ্চুনোর কনঅ ভোক্তি নেই।

⁴ গোজেনে মরে সাহায্য গরে; প্রভু মরে ধুরি রাগায়।

⁵ শত্রুগুনে মরে যে অমংগল গোজ্যন্ সিয়েনি তে তারা ইদু ফিরেই দিবো; ও প্রভু, তর্ বিশ্বেজ্‌চান্দোই তুই তারারে ভস্ত গুরি দে।

⁶ মুই নিজোর আওজে তর্ নাঙে য়েমান উৎসর্ব গুরিম; ও লগেপ্রভু, মুই তর্ বাঈনী গুরিম, কিত্তেই তুই মংগলময়।

⁷ মরে বেক্ দযানিত্তুন তেয়ই মরে উদ্ধোর গোজ্যে; মুই নিজো চোগেন্দি মর্ শত্রুগুনোর উদি যানা দেখ্যং।