গীতসংহিতা 47 - Chakma Bibleগান পরিচালগত্তে। কোরহর বংশর গান। 1 ও বেক্ জাদ্তুন, তুমি আঢতালি দুয়ো; গোজেনর নাঙে হুজিয়ে রঅ ছাড়। 2 দাঙর লগেপ্রভু ভোক্তিবলা দর্বুগ্ লাগায়; পুরো পিত্থিমীগান উগুরে তেয়ই দাঙর্ রাজা। 3 অন্য জাদ্তুনোরে তে আমা তলেদি গরে, আমা টেঙত্ তলে তারারে রাগায়। 4 তেয়ই আমা সোম্বোত্তিগানি বেঈ রাগেয়্যে; সিয়েন তার্ কোচ্পানার মানুচ্ যাকোবর বার্বো গুরিবার কধা। 5 গোজেনে হুজির রঅবোলোই উগুরে উদি যেয়েগোই, লগেপ্রভু তূরীর রবোলোই উদি যেয়েগোই। 6 গোজেনর নাঙে নাঙ্ গিনেদে গান গঅ, নাঙ্ গিনেদে গান গঅ; আমা রাজার নাঙে নাঙ্ গিনেদে গান গঅ, নাঙ্ গিনেদে গান গঅ। 7 গোজেনে গোদা দুনিয়েগানর রাজা; তার নাঙে এক্কো এক বাবোত্যে নাঙ্ গিনেদে-গান গরঅ। 8 বেক্ জাদ্তুনো উগুরে গোজেনে রাজাগিরি গরে; তার পবিত্র সিংহাসনত্ তে বজি আঘে। 9 জাদ্তুনো ভিদিরে যিগুনে দাঙর্ পোজিশনর মানুচ্, তারা এক্কান জাগাত্ এগত্তর্ অন্, অব্রাহামর গোজেনর মানুচ্ ইজেবে এগত্তর্ অয়। পিত্থিমীর বেক্ শাজন্গুরিয়্যেগুনে গোজেনর তলেদি, তেয়ই বেগত্তুন দাঙর্। |
Copyright © 2021 Bangladesh Bible Society
Bangladesh Bible Society