গীতসংহিতা 43 - Chakma Bible

¹ ও গোজেন, তুই উজিত্ মজিম বিচের গর্, আর এ ভোক্তিনেইয়্যে জাদ্‌‌তুনোর বিরুদ্ধে মর্ পক্ষ ওইনে কধা কঅ; দগাবাজ্ আর পাজি মানুচ্চুনোর আঢত্তুন্ তুই মরে বাঁজা।

² তুয়ই মর্ আশ্রয়-তাম্বুল ধোক্ক্যেন্ গোজেন; কিয়া তুই মরে ছাড়ি যেইয়োচ্? কিত্তেই মত্তুন্ শত্রুগুনোর অত্যেচারে মনত্ দুখ্ গুরিনে বেড়া পুরিবো?

³ তর্ পহ্‌‌রান আর তর্ সত্যগান মরে দে; তারা মরে পথ দেগাদোক্। তারা মরে নেযাদোক্ তর্ সেই সুদ্ধো-সাংগ মুড়োবোত্ যিয়েনত্ তুই বজত্তি গরর্,

⁴ যেনে মুই গোজেনর পুজোবো ইদু যেই পারং। তেয়ই মর্ সুখ্ আর হুজি। ও গোজেন, মর্ গোজেন, মুই বীণা বাজেইনে তর্ বাঈনী গুরিম।

⁵ ও মর্ পরাণান, কিত্তেই তুই আজা আরেয়োজ্? কিত্তেই এদক্ চুলুবুলু ওইয়োচ্? গোজেন উগুরে আজা রাগা, কিয়া মুই আরঅ তার্ বাঈনী গুরিম; তেয়ই মর্ উদ্ধোরগুরিয়্যে আর মর্ গোজেন।