গীতসংহিতা 23 - Chakma Bible

দায়ূদোর গান।

¹ লগেপ্রভু মর্ পালক, মর্ অভাব নেই।

² তে মরে খলার্ য়েল্ ঘাস উগুরে পড়ায়, মড়ং পানি কুরেয়ো মরে নেযায়।

³ তে মরে নুয়ো গুরিনে বল্ দে; তার্ নিজো নাঙান্ রোক্ষ্যে গুরিবাত্তে মরে ন্যায়র্ পধেদি চালায়।

⁴ ঘুর্‌‌গুজ্যে আন্ধারে ঢাক্যে কলগ্‌কানি পার্ ওয়া পুড়িলেয়ো মুই দজা এলে ন-দোরেম, কিত্যে তুয়ই মঅ সমারে আগচ্; তর্ মুগোর্ আর লুদিক্কুনে দযার্ দর্‌গরেদেগানি দূর্ গুরি দুয়োন।

⁵ শত্রুগুনো ভিদিরেত্তুন তুই মর্ মুজুঙোত্ হানা সাজেয়্যে টেবিলান্ রাগাচ্; মঅ মাঢাবোত্ তেল্ দে; মঅ গলচ্চো উগুরি পড়ের্।

⁶ মুই হবর্ পাং সারা জিংকানিবর্ তর্ ভালেদি আর অমকদ কোচ্‌‌পানা মর্ পিজে পিজে এবঅ; আর মুই জিংকানিবর্ লগেপ্রভুর ঘরত্ বজত্তি গুরিম।