গীতসংহিতা 148 - Chakma Bible

¹ লগেপ্রভুরে নাঙ্ গিনে ওক্। স্বর্গত্তুন তুমি লগেপ্রভুরে নাঙ্ গিনো; আগাজত্ আর দেবাবো ইদু তারে নাঙ্ গিনো।

² ও তার বেক্ স্বর্গদূত্তুন্, তারে নাঙ্ গিনো; ও তার বেক্ খেমতাবলা দলুন্, তারে নাঙ্ গিনো।

³ ও বেলান আর চান্নো, তারে নাঙ্ গিনো; ও জোল্‌জোল্যে বেক্ তারাগুন, তারে নাঙ্ গিনো।

⁴ ও স্বর্গগান্, তারে নাঙ্ গিন্; ও আগাজ উগুরে পানিগান, তারে নাঙ্ গিন্।

⁵ ইগুনে বেক্কুনে লগেপ্রভুরে নাঙ্ গিনোদোক্, কিত্তে তে উগুম দিলো আর ইগুনোরে বানেল।

⁶ ইগুনোরে তে উমরত্তে যগাজ্যে জাগাত্ থিদেবর্ গোজ্যে; তে এক্কান সুদোম দিয়্যে, কনজনে সিয়েন ভাঙি ন-পারিবাক্।

⁷ পিত্‌থিমীত্ তুমি লগেপ্রভুরে নাঙ্ গিনো। ও সাগর দাঙর্ দাঙর্ প্রাণীগুন আর সাগর গভিন তলদেজত্ থেইয়্যে প্রাণিগুন, গোজেনরে নাঙ্ গিনো।

⁸ ও ঝিমিলেনিগান আর শিলুন, তুষার আর কুয়োগানি আর তা উগুমান পালেয়্যে ঝড় বোইয়্যেরান্, গোজেনরে নাঙ্ গিনো।

⁹ ও বেক্ মুড়ো-মুড়িগুন্ আর গুলোগুলো বাবোত্যে গাজ্‌চুন আর বেক্ এরস গাজ্‌চুন, তারে নাঙ্ গিনো।

¹⁰ ও ঝাড়্‌বো য়েমানুন্ আর বেক্ ঘোর্‌বো য়েমানুন্ আর বুক্কোই আঢি বেড়েয়্যে প্রাণী আহ্ ডুয়োবলা পরাণবলাগুন্, তারে নাঙ্ গিনো।

¹¹ ও পিত্‌থিমীর রাজাগুন আর বেক জাদ্‌তুন্ রাজার পুয়োগুন আর পিত্‌থিমীর শাজন্‌গুরিয়্যেগুন, তারে নাঙ্ গিনো।

¹² ও গাবুজ্যে-গাবুরীগুন আর বুড়োবুড়ি আহ্ ঝি-পুয়োগুন, গোজেনরে নাঙ্ গিনো।

¹³ ইগুনে বেক্কুনে লগেপ্রভুরে নাঙ্ গিনোদোক্, কিত্তে বানা তেয়ই দাঙর্; পিত্‌থিমী আর আগাজ্‌চান উগুরেয়ো তারে বাঈনী গরন্।

¹⁴ তা মানুচ্চুনোরে তে খেমতাবলা গোজ্যে; সিয়েন তার বেক্ ভক্তগুনোর্ বাঈনী, তার কোচ্‌পেইয়্যে জাদ্ ইস্রায়েলর বাঈনী। লগেপ্রভুরে নাঙ্ গিনে ওক্।