গীতসংহিতা 146 - Chakma Bible

¹ লগেপ্রভুরে নাঙ্ গিনে ওক্। ও মর্ পরাণান্, লগেপ্রভুরে বাঈনী গর্।

² মুই জিংকানিরব্ লগেপ্রভুরে বাঈনী গুরিম; যেদকদিন্ মুই বাঁজি থেম্ সেদকদিন্ মঅ গোজেনরে নাঙ্ গিনি গিনি গান গেম্।

³ কনঅ দাঙর্ পোজিশন মান্‌জ্যলোই, কনঅ মান্‌জ্য উগুরে তুমি বিশ্বেজ্ ন-গোজ্য; তারা উদ্ধোর্ গুরি ন-পারন্।

⁴ তারার্ পরাণানি নিগিলি গেলে তারা মাদিত্ ফিরি যান, আর সেদিন্যে তারার বেক্ সল্লাগানি থুম্ ওই যায়।

⁵ বর্‌পেইয়্যে সেই মানুচ্চো, যাকোবর গোজেন যিবের সাহায্যগুরিয়্যে, গোজেন লগেপ্রভু উগুরে যিবের্ আজা।

⁶ লগেপ্রভু আগাজ্ আর পিত্‌থিমীগান, সাগর আর তা ভিদিরে বেক্কানি বানেয়্যে; তে উমরত্যে বিশ্বেজি থায়।

⁷ তে অত্যেচারিগুনোর তপ্পে দোল্ বিচের গরে আর যিগুনোর পেট্‌পরা আঘে তারারে হানা দে; লগেপ্রভু বন্দিগুনোরে উদ্ধোর্ গরে।

⁸ লগেপ্রভু কান্ মানুচ্চুনোরে রিনি চেবার খেমতাগান দে; যিগুনে লুঙি পোজ্যন্ লগেপ্রভু তারারে তুলি ধরে; লগেপ্রভু গম্ মানুচ্চুনোরে কোচ্‌পায়।

⁹ লগেপ্রভু বিদেশীগুনো উগুরে চোগ্ রাগায় বাপ মা নেইয়্যে আরে রানিমিলেগুনোরে দেগাশুনো গরে, মাত্তর্ পাজি মানুচ্চুনোর পথ্‌তানি তে বেঙা গরে।

¹⁰ লগেপ্রভু জনম্‌ভুরি রাজাগিরি গুরিবো; ও সিয়োন, বংশর পর বংশ ধুরি তঅ গোজেনে রাজাগিরি গুরিবো। লগেপ্রভুরে নাঙ্ গিনে ওক্।