গীতসংহিতা 130 - Chakma Bible

উগুরে উদিবার গান।

¹ ও লগেপ্রভু, অমকদ দুঘোত্ পড়িনে মুই তরে ডাগঙর্;

² ও প্রভু, মুই ডাগিলে শুনিচ্; মর্ এ কোজোলি গুরি কানানিগান তুই শুনিচ্।

³ ও লগেপ্রভু, তুই যুনি অন্যেয়র ইজেব রাগাচ্, সালে ও প্রভু, কন্না থিয়্যেই থেই পারিবো?

⁴ মাত্তর্ তইদু খেমা জিনিস্‌ছান আঘে, যেন মান্‌জ্যে তরে ভোক্তি গরন্।

⁵ মুই লগেপ্রভুরে বাজ্জেই আগং, মঅ মনানে তারে বাজ্জেই আঘে। মুই তা কধা উগুরে আজা রাগেয়োং।

⁶ চুগিদারুনে যেধোক্ক্যেন গুরি বেন্যেমাদান্ পহ্‌র্ ওক্, পহ্‌র্ ওক্ গুরি বাজ্জেই থান্, অয়, তারা যেধোক্ক্যেন গুরি বেন্যেমাদান্ পহ্‌র্ ওক্, পহ্‌র্ ওক্ গুরি বাজ্জেই থান্, প্রভুত্তে মঅ মনান্ তাত্তুন্ বেশ্ বাজ্জেই আঘে।

⁷ ও ইস্রায়েল, লগেপ্রভু উগুরে আজা রাগা, কিত্তে লগেপ্রভু ইদু অমকদ কোচ্‌পানাগান আঘে, আর তাত্তুন্ উদ্ধোর্ গুরিবার বোউত্ খেমতা আঘে।

⁸ তেয়ই ইস্রায়েলরে তার বেক্ অন্যেয়ানিত্তুন্ উদ্ধোর্ গুরিবো।