গীতসংহিতা 129 - Chakma Bible

উগুরে উদিবার গান।

¹ ইস্রায়েলে হোক্, “মুই চিগোন থাগদে মান্‌জ্যে মরে বোউত্ অত্যেচার গোজ্যন্।

² যুনিয়ো মরে চিগোনত্তুন্ ধুরি তারা মরে বোউত্ অত্যেচার গোজ্যন্, তো তারা মঅ উগুরে জিদি ন-পারন্।

³ চাষ গুরিয়্যেগুনো ধোক্ক্যেন তারা মঅ পিঠ্‌তান চাজি ফেল্যন্, তারা লাম্বা গুরি দাগ্ টান্যন্;

⁴ মাত্তর্ লগেপ্রভু ন্যায়বিচেরক্, তে পাজিগুনোর বান্যেগান কাবি ফেলেয়্যে।”

⁵ যিগুনে সিয়োনানরে ঈচ্ গরন্ তারা লাজে পিজেদি উদি যাদোক্।

⁶ তারা ঘর ছাল উগুরে গোজেয়্যে ঘাস ধোক্ক্যেন ওক্ যিবে দাঙর্ অবার্ আগেদি শুগেই যায়;

⁷ যে সিয়েনিরে কাবে সেক্কে তার এক মুদ্‌অ ন-অয়, আর যে সিয়েনি বনা বানে সিয়েনি এক আযুর্‌অ ন-অয়।

⁸ যিগুনে সে মানুচ্চুনো কায়-কুরেদি যান্ তারা ন-কন্, “তমা উগুরে লগেপ্রভুর আশিদ্‌বাদ থোক্; লগেপ্রভু তমারে ভালেদি গোরোক্।”