গীতসংহিতা 127 - Chakma Bible

উগুরে উদিবার গান। শলোমনর্ গান।

¹ লগেপ্রভু যুনি ঘর ন-বানায় সালে মিস্ত্রীগুনে মিজে মিজে দুঘ্ গরন; যুনি লগেপ্রভু শঅরানি রোক্ষ্যে ন-গরে সালে চুগিদারুনে মিজে মিজে চুগি দুয়োন্।

² তুমি মিজে মিজে হানা যোগেবাত্তে কাম্ গুরিবাত্তে বেন্যেপোত্যে উদো আর দেরি গুরি ঘুমেবাত্তে যঅ; মাত্তর্ লগেপ্রভু যিগুনোরে কোচ্‌পায় তারা যেক্কেনে ঘুম্ যান সেক্কেয়ো তে তারার দর্‌কারানি যোগেই দে।

³ পুয়োগুন লগেপ্রভুর দিয়্যে সোম্বোত্তি, পেদ ভিদিরে পুয়ো-ছাগুন তার দিয়্যে বক্‌শিষ্।

⁴ গাবুজ্যে পুয়োগুনে যুদ্ধো গোজ্যে আঢ সেল ধোক্ক্যেন্।

⁵ বর্ পেইয়্যে সেই মানুচ্চো, যিবের সেল্ রাগাইদ্যে থৈল্যে ধোক্ক্যেন সেল্লোই ভরা; শঅর্ গেদো কুরে বিপক্কগুনো সমারে কধা কবার্ অক্তত্ তারা ন লাজেবাক্।