গীতসংহিতা 125 - Chakma Bible

উগুরে উদিবার্ গান।

¹ যিগুনে লগেপ্রভু উগুরে বিশ্বেজ্ গরন তারা সিয়োন মুড়োবো ধোক্ক্যেন দরমর আর উমরত্তে থিদেবর্।

² যিরূশালেম চেরোকিত্তে যেধোক্ক্যেন মুড়োমুড়িয়্যে ঘিজ্যে সেধোক্ক্যেন গুরি লগেপ্রভু তা মানুচ্চুনোরে ঘিরি রাগায়, ইক্কিনে রাগার্ আর উমরত্তে রাগেব।

³ গোজেন ভক্ত মানুচ্চুনে যেনে অন্যেয় কামত্ আত্ ন-দুয়োন্ সেনত্তে গোজেনর দিয়্যে তারা দেজ্‌ছান উগুরে পাজিগুনোরে রাজাগিরি গুরিবাত্তে দিয়্যে ন-অবঅ।

⁴ ও লগেপ্রভু, যিগুনে গম্ আর মনেদি খাটি তারারে তুই ভালেদি গর্;

⁵ মাত্তর্ যিগুনে নিজোর বানেয়্যে বেঙা পধেদি উজুদো হাদে হাদে আঢন্ লগেপ্রভু অন্যেয়গুরিয়্যেগুনো সমারে তারারে দূর্ গুরি দিবো। ইস্রায়েলীয়গুনো উগুরে সুগ-শান্দি এজোক্!