গীতসংহিতা 124 - Chakma Bible

উগুরে উদিবার গান। দায়ূদোর গান।

¹ ইস্রায়েলে হোক্, “যুনি লগেপ্রভু আমা তপ্পে ন-থেদঅ,

² মান্‌জ্যে যেক্কে আমারে আক্রমণ গোজ্যন্, সেক্কে যুনি লগেপ্রভু আমা তপ্পে ন-থেদঅ,

³ সালে সিগুনে আমা বিরুদ্ধে রাগে ফুলি উদিদাক্ আমারে জেদাবাদে গিলিদাক্,

⁴ বান পানিয়ে আমারে ডুবেই দিদো, গঙার পানিগানে জোরে আমা উগুরেদি বেঈ যেদঅ,

⁵ ফুলিনে-তুবোল্ উঠ্যে পানিগান বেঈ যেদঅ আমা উগুরেদি।”

⁶ ধন্য লগেপ্রভু! শত্রুগুনো দাত্‌তুন্দোই তে আমারে চাবেবাত্তে ন-দে।

⁷ শিগেরিগুনো আঢত্তুন্ পেগ্‌কুনে যেবাবোত্যে গুরি রোক্ক্যে পান্ সেবাবোত্যেগুরি আমি রোক্ক্যে পেইয়্যেই; ফাল্লো ছিনি যেইয়্যে আর আমি রোক্ক্যে পেইয়্যেই।

⁸ লগেপ্রভু, যিবে আগাজ আর পিত্‌থিমীগান বানেয়্যে, তাত্তুনই আমার এজালান্ এজে।