গীতসংহিতা 123 - Chakma Bible

উগুরে উদিবার গান।

¹ তুই স্বর্গর সিংহাসনত্ আগচ্; মুই তন্দি রিনি চাং।

² গিরোজ্‌সো ইন্দি যেধোক্ক্যেন চাগরুনোর চোগ্ থায় আর চাগরানিগুনোর্ চোগ্‌কুন থান গিরোজ্‌সো মোক্কো আঢ্‌তান ইন্দি, সেধোক্ক্যেন আমা চোগ্‌কুন থেবদে গোজেন লগেপ্রভু ইন্দি, যেদকদিন সং তে আমারে দোয়্যে ন-গরে।

³ আমা উগুরে দোয়্যে গর্, ও লগেপ্রভু, আমা উগুরে দোয়্যে গর্, কিত্তে মানুচ্চুনোর ঈচ্ গরানাগান আমা মাঢা তাল্লো সং লুম্মেগোই।

⁴ আরামত্ থেইয়্যে মানুচ্চুনোর ফেচ্ কারানিগানি আর বাড়্‌বো গুরিয়্যেগুনোর ঈচ্ গরানা আমা তাল্লোত্ সং লুম্মেগোই।