গীতসংহিতা 121 - Chakma Bible

¹ মুই সেই মুড়োবো ইন্দি রিনি চেম্; কুত্তুন্ মর্ এজাল্ এবঅ?

² আগাজ্ আর পিত্‌থিমীগান বানেয়্যে লগেপ্রভু ইত্তুন্ মর্ এজাল্ এবঅ।

³ তে তঅ টেঙান্ বিজিদি যেবাত্তে ন-দিবো; যিবে তরে চুগি দে তে ঘুমোত্ ঢুলি ন-পুরিবো।

⁴ যিবে ইস্রায়েলীয়গুনোরে চুগি দে তে দঅ ঘুমোত্ ঢুলি ন-পড়ে, ঘুমঅ ন-যায়।

⁵ লগেপ্রভু তর্ রোক্ক্যেগুরিয়্যে; লগেপ্রভু তর্ ছাবা, তে তঅ ডেনেদি আঘে।

⁶ দিনোত্ বেলান্ আর রেদোত্ চানানে তরে খেতি ন-গুরিবাক্।

⁷ বেক্ ফি-গানিত্তুন্ লগেপ্রভু তরে রোক্ষ্যে গুরিবো; তে তঅ পরাণান্ রোক্ষ্যে গুরিবো।

⁸ তর্ পত্তিদিনোর জিংকানিত্ লগেপ্রভু তরে চুগি দিবো, ইক্কিনেত্তুন্ ধুরি উমর সং দিবো।