গীতসংহিতা 12 - Chakma Bible

গান পরিচালগত্যে। বাজানা আর গান চিগোন সুরে চলিবো। দায়ূদোর গান।

¹ ও লগেপ্রভু, রোক্ষ্যে গর্, তর্ ভক্তগুনে আর্ নেই; বিশ্বেজি মানুচ্ মান্‌‌জ্য ভিদিরেত্তুন্ উদি যেয়োন্দোই।

² মানুচ্ মান্‌জ্য ইদু মিজে কধা কন্; তারা কধা কন্দে ঠোগেয়্যে ঠুট্টোই আর ছলনা-ভরা মন্দোই।

^3-4 যিগুনে কন্, “জিলানিলোই আমি জিদিবোং; আমা ঠুট্টুন্ আমা পক্ষেদি আগন্, কন্না আমার্ মুরুব্বি অবঅ”? তারার্ ঠোগেয়্যে ঠুট্টুন্ আর বার্‌বোলোই-ভরা জিলান্ যেন লগেপ্রভু কাবি ফেলায়।

⁵ লগেপ্রভু কইদ্যে, “দুঘি মানুচ্চুনোর্ ভস্ত অনা আর নাঢা মানুচ্চুনোর কানানার্ কারনে এবেরা মুই জাগি উদিম, আর গমেডালে থেবার্ যিগুনোর্ মনর্ আওজ্ তারারে গমেডালে রাগেম।”

⁶ লগেপ্রভুর কধাত্ ভেজাল্ নেই; সিয়েন্ যেন আগুন্দোই পুজ্যে রুবো, সাত্পল্লা গুরি শুদ্ধো গোজ্যে রুবো।

⁷ ও লগেপ্রভু, তুয়ই তারে গমেডালে রাগেবে; এ কাল মানুচ্চুনোর্ আঢত্তুন্ জিংকানিবর তারারে পত্তি জনরে তুই রোক্ষ্যে গুরিবে।

⁸ মানুচ্চুনে যেক্কে ভান্ন্যেয়ানিরে সর্মান গরন্ পাজিগুনে সেক্কে এনেবাদে ঘুরোঘুরি গরন।