গীতসংহিতা 113 - Chakma Bible

¹ লগেপ্রভুরে নাঙ্ গিনে ওক্। ও লগেপ্রভুর চাগরুন্, বাঈনী গরঅ; লগেপ্রভুরে বাঈনী গরঅ।

² লগেপ্রভুর নাঙান্ ধন্য ওক্, ইক্কিনে আর উমর সং ওক্।

³ বেলান্ উদেদে সিত্তুন্ ধুরি বেলান্ ডুবেদে সং লগেপ্রভুরে বাঈনী গরা ওক্।

⁴ বেক্ জাদ্‌তুনে লগেপ্রভুর অধীনোত্; আগাজঅ উগুরেয়ো তার মহিমাগান্।

⁵ আর কন্না আঘে আমা গোজেন লগেপ্রভু ধোক্ক্যেন্? তে আগাজত্তুন্‌অ বোউত্ উগুরে বজত্তি গরে

⁶ আর মাধা নিগিরিনে আগাজ্‌ছান আর পিত্‌থিমীগান ইন্দি রিনি চায়।

⁷ তে ধূল্যেত্তুন্ দুঘী মান্‌জ্যরে তুলে, আর নাঢা মান্‌জ্যরে তুলে গবর কুরোত্তুন্;

⁸ যেনে তে বড়্ পোজিশন মানুচ্চুনো সমারে তারারে বোজেই দি পারে, এন্ কি, যিগুনে তা মানুচ্চুনো সমারে বড়্ পোজিশনত্ আগন্ তারা সমারে বোজেই দি পারে।

⁹ তে ভাজ্ মিলেগুনোরে পুয়ো-ঝিগুনোর হুজি অইদে মা বানায় সংসারর পুরো অধিকারান্ দে। লগেপ্রভুরে নাঙ্ গিনে ওক্।