গীতসংহিতা 112 - Chakma Bible

¹ লগেপ্রভুরে নাঙ্ গিনে ওক্। যে লগেপ্রভুরে ভোক্তিপূর্ণ দরায় আরে তা উগুমে যে অমকদ হুজি অয় সিবে বর্ পেইয়্যে।

² তা গুট্টিগুনে পিত্‌থিমীত্ খেমতাবলা অবাক্; মনানি যিবের দোল্ তা গুট্টিবো বর্ পেবঅ।

³ তা ঘরত্ ধন আর সোম্বোত্তি থেবঅ; তার গমান্ উমরত্যে থিদেবর্।

⁴ যে মনেদি দোল্ তাত্তে আন্ধারত্‌অ পহর্ দেগে, কিত্তে তে দোয়্যে-মেয়্যেলোই ভরা আর গম।

⁵ যে দোয়্যে গরে আর উদোর্ দিইনে গমেডালে বেক কামানি গরে তার ভালেদি অয়।

⁶ তে আমিঝে থির্ থেবঅ; গোজেনভক্ত মান্‌জ্যরে উমর সং মনত্ রাগেবাক্।

⁷ আপদবলা-ফিবলা হবরদ্‌অ তে ন-দোরেব; তা মনান্ থির্ আর তে লগেপ্রভু উগুরে বিশ্বেজ্ গরে।

⁸ তা মনান্ গমেডালে থির্ বিলিনে তে ন-দরায়; যেরেন্দি তে তার শত্রুগুনোরে ওদেই দিবো।

⁹ তে গম মনে নাদা মানুচ্চুনোরে দান গোজ্যে; তার গম কামানি উমরত্যে থিদেবর্ গোজ্যে। তার খেমতা আর সর্মানান বাড়িবো।

¹⁰ পাজি মানুচ্চুনে সিয়েনি দেগিনে লবাদোস্যে পেবাক্; তে দাত্ কামেরেব আর শেজ্ ওই যেবঅ। পাজিগুনোর আজা-ভরশা ন-ফলিবো।