গীতসংহিতা 111 - Chakma Bible

¹ লগেপ্রভুরে নাঙ্ গিনে ওক্। মুই মন দি লগেপ্রভুরে বাঈনী গুরিম, বাঈনী গুরিম গোজেন ভক্তগুনোর্ দল ভিদিরেত্তুন্, বাঈনী গুরিম তেম্মাং সুলগ মানুচ্চুনো ভিদিরেত্তুন্।

² লগেপ্রভুর বেক কামানি দোল্; যিগুনে সিয়েনিলোই হুজি অন্ তারা সিয়েনিলোই ধ্যান গরন্।

³ তা কামানি বাঈনী পানালোই আর মহিমালোই ভরা, তার গম্ কামানি উমরত্যে থিদেবর্।

⁴ তে তার্ আমক্ অইদে কামানি নাঙ্ গিনেদে ধোক্ক্যেন্ রাগেল; তে দোয়্যে-মেয়্যেন্দি ভরা।

⁵ তা ভক্তগুনোরে তে হানা যুগেই দে; তার থিদেবর্ গোজ্যে সুদোমান তে কনদিন্‌অ ভুলি ন-যেবঅ।

⁶ অন্য জাদর্ দেজ্‌ছানি তা মানুচ্চুনোরে দিইনে তে তার কামর খেমতাগান্ তারারে দেগেয়্যে।

⁷ তার্ বেক কামানিত্ তে বিশ্বেজি আর অমকদ গম; তার বেক সুদোমানি বিশ্বেজ্ গুরিবার।

⁸ সে সুদোমানি উমরত্তে থিদেবর্; সিয়েন বিশ্বেজে আর গমেডালে থিদেবর্ গরা ওইয়্যে।

⁹ তা মানুচ্চুনোত্তে তে উদ্ধোরর্ বেবস্তা গোজ্যে; তে উগুম দিইনে উমরত্তে তার সুদোমান্ থিদেবর্ গোজ্যে। তে পবিত্র; তে দর্ আর ভোক্তি জাগায়।

¹⁰ লগেপ্রভু ইদু ভোক্তিপূর্ণ দরান অলঅ জ্ঞানান্; যিগুনে সে ইজেবে কাম গরন্ তারা গম্ বুদ্ধি পান্। লগেপ্রভুর নাঙ্ গিনেনাগান্ উমরত্তে থিদেবর্।