গীতসংহিতা 11 - Chakma Bible

গান পরিচালগত্যে। দায়ূদোর গান।

¹ মুই দঅ লগেপ্রভু ইদু আশ্রয় নেযেয়োং। তুমি কিত্তে কত্তে, “পেগো ধোক্ক্যেন্ উড়িনে তমা মুড়োবোত্ ধেই যঅ”?

² কিত্তে কত্তে, “মনেদি যিগুনে খাটি আন্ধারত্তুন্ তারারে সেল্ মারিবাত্তে পাজি মানুচ্চুনে তারার্ ধনুগানি লোঙেয়োন্ আর সিয়েনত্ সেল্লো বোজেয়োন”?

³ কিত্তে কর্, “যুনি দুনিয়ে-সংসারর্ বেক্ আজল্ গোড়াগান ভাঙি ফেলা অয় সালে গোজেন ভক্তগুনোর্ গুরিবার আর্ কিচ্চু নেই”?

⁴ মাত্তর্ লগেপ্রভু স্বর্গত্ তা পবিত্র থেবার্ জাগানত্ আঘে; তা সিংহাসনান্ সিয়েনত্ আঘে। তে মান্‌‌জ্যরে খিয়েল্ গরে; তা চোগ্‌কুনে তারারে যগা চাই।

⁵ লগেপ্রভু তা ভক্তগুনোরে যগা চায়, মাত্তর্ যিগুনে পাজি আর অত্যেচার গমপান্ তারারে তে এলাফেলা গরে।

⁶ তে পাজিগুনোরে দজা পাদেব; তারার্ ভাগ্যত্ আগেদে আগুন, ধোক্‌‌‌ধোক্যে‌ আঙারা আর আগুনো ধোক্ক্যেন্ বোইয়্যের্।

⁷ লগেপ্রভু গম্ বিলিনে ন্যায়র্ কামানি তে কোচ্‌‌পায়; যিগুনে খাটি তারা তা মুয়োন্ দেগিবাক্।