গীতসংহিতা 1 - Chakma Bible

পত্তম্ ভাগ ( ১-৪১ )

¹ বর্ পেইয়্যে সেই মানুচ্চো, যে পাজিগুনোর সল্লা মজিম্ ন-আঢে, পাপীগুনোর পধেদি ন-থায়, ঠাট্টা-ঈচ্ গুরিয়্যেগুনোর্ আড্ডাত্ ন-বজে;

² বানা লগেপ্রভুর রীদি-সুদোমেই তার্ হুজি, আর সিয়েন তার্ দিনো-রেদোর্ ধ্যান।

³ তে যেন পানি গঙার পাড়ত্ লাগেয়্যে গাজ ধোক্ক্যেন্, যিবে অক্তমজিম্ গুলোগুলি দে, আর যিবের্ পাদাগান শুগেইনে ঝুরি ন-পড়ে; তে বেক্ কামানিত্ ফলায়।

⁴ মাত্তর্ পাজিগুনে সেবাবোত্যে নয়; তারা যেন বোইয়্যেরে উড়ি যেইয়্যে তুজো ধোক্ক্যেন্।

⁵ ইয়েনিত্তে বিচের দিনোত্ পাজিগুনে ন-টিগিবাক্, পাপীগুনে গোজেন ভক্তগুনোর্ দলত্ টিগি থেই ন-পারিবাক্;

⁶ কিত্যে গোজেন ভক্তগুনো উগুরে লগেপ্রভুর খিয়েল্ আঘে, মাত্তর্ পাজি মানুচ্চুনোর্ আঢিবার্ পদথ্ আগেদে ভস্ত অনা।