নহিমিয় 7 - Chakma Bible1 দেবালান্ বানানা থুম্ অলে পরেন্দি মুই গেট্তুনোর দোরান্ লাগেলুঙ্। সে পরেন্দি গেট্-চুগিদার্, গানগেইয়্যে আর লেবীয়গুনোরে নেযা অলঅ। 2 মর্ ভেই হনানি আর তাম্বুলোর্ সেনাপতি হনানিয়রে মুই যিরূশালেমর কাম ভারান্ দিলুঙ্, কিত্যে হনানিয় গম্ মানুচ্ এলঅ আর গোজেনরে বেক্কুনোত্তুন্ বেশ্ ভোক্তিগুরিনে দোরেদ। 3 মুই তারারে কলুঙ্, “রোদ বেশ্ ন-অনা সং যিরূশালেমর গেট্তুন্ যেনে ন-খুলোন্। চুগিদারুনে যেবার্ আগেন্দি যেনে দোরানি বানা অয় আর হুক্কুন্ দিয়্যে অয়। যিরূশালেমর আদাম্মেগুনোর ভিদিরেত্তুন্ যেনে চুগিদারুনোরে নেযা অয়। তারাত্তুন্ কয়েকজনে থাদোক্ চুগি দিবার্ জাগানত্ আর কয়েকজনে থাদোক্ তারার্ নিজো নিজো ঘরর্ ইদু।” 4 এধোক্কেন্ বেবস্থা গরা অলঅ, কিত্যে যিরূশালেম শঅরান্ অলদে দাঙর্ আর বোউত্ জাগা, মাত্তর মানুচ্ অলাক্কে অমকদ কম্ আর ঘর্অ সেক্কে বানা ন-অয়। বন্দীদজাত্তুন্ ফিরি এচ্ছ্যে মানুচ্চুনোর নাঙানি 5 যেরেন্দি গোজেনে মর্ মনানত্ আওজ্ দিলো যেনে মুই মুরুব্বীগুনোরে, নেতাগুনোরে আর নাদা মানুচ্চুনোরে এগত্তর্ গুরিনে তারার্ বংশ-নাঙানি লিগি পারং। যিগুনে পত্তমে ফিরি এচ্ছ্যন্ সে মানুচ্চুনোর্ বংশ-নাঙানি পেলুঙ্। সিয়েনত্ যিয়েনি লেগা এলঅ সিয়েনি অলদে: 6 বাবিলোর রাজা নবুখদ্নিৎসরে যিদুক্কুন্ ইস্রায়েলীয়রে বানিনে বাবিলোত্ নেযেয়্যে তারার্ ভিদিরেত্তুন্ ভালোক্ জনে বান্যে অবস্থাত্তুন্ যিরূশালেমত্ আর যিহূদাত্ নিজো নিজো শঅর্ আর আদামত্ ফিরি এচ্ছ্যন্। 7 এ মানুচ্চুনে সরুব্বাবিল, যেশূয়, নহিমিয়, অসরিয়, রয়মিয়া, নহমানি, মর্দখয়, বিল্শন, মিস্পরৎ, বিগ্বয়, নহূম আর বানার লগে ফিরি এচ্ছ্যন্। যিদুক্কুন্ ইস্রায়েলীয় মরদ পূঅ ফিরি এচ্ছ্যন্ তারার্ অলাক্: 8 পরোশর বংশর মানুচ্চুনে দ্বিআজার একশঅ বায়োত্তুর্ জন; 9 শফটিয়োর তিনশঅ বায়োত্তুর্ জন; 10 আরহর ছয়শঅ বায়ূন্নো জন; 11 পহৎ-মোয়াবর বংশর যেশূয় আর যোয়াবর বংশর মানুচ্চুনে দ্বিআজার আস্তোশঅ আদার জন; 12 এলমর এক আজার দ্বিশঅ চুপ্পান্ন জন; 13-15 সত্তূর আস্তোশঅ্ পাচ্চোল্লিশ জন; সক্কয়র সাতশঅ্ ষায়েট জন; বিন্নুয়ির ছয়শঅ আটচোল্লিশজন; 16 বেবয়র ছয়শঅ আটেশ্ জন; 17 আস্গদর দ্বিআজার তিনশঅ বেইশ জন; 18 অদোনীকামর ছয়শঅ সাতষোট্টি জন; 19 বিগ্বয়র দ্বিআজার সাতষোট্টি জন; 20 আদীনোর ছয়শঅ পাচ্পান্ন জন; 21 যিহিষ্কিয়োর বংশধর আটেরর গুট্টির্ আদানব্বইজন। 22 হশুমোর তিনশঅ আটেশ জন; 23 বেৎসয়র তিনশঅ চোব্বিশ জন; 24 হারীফোর একশঅ বার জন; 25 গিবিয়োনর পাচানব্বই জন। 26 বৈৎলেহম আর নটোফা আদামর মানুচ্চুন একশঅ অষ্টাশি জন; 27 অনাথোতর মানুচ্চুন্ একশঅ আটেশ জন; 28 বৈৎ-অস্মাবতর মানুচ্চুন বিয়াল্লিশ জন; 29 কিরিয়ৎ-যিয়ারীম, কফীরা আর বেরোতর মানুচ্চুন্ সাতশঅ তেতাল্লিশ জন; 30 রামা আর গেবার মানুচ্চুন্ ছয়শঅ এগোশ জন; 31 মিক্মসর মানুচ্চুন্ একশঅ বেইশ্ জন; 32 বৈথেল আর অয়র মানুচ্চুন্ একশঅ তেইশ জন; 33 অন্য নবোর মানুচ্চুন্ বায়ুন্নো জন; 34 অন্য এলমর মানুচ্চুন্ এক আজার দ্বিশঅ্ চুপ্পান্ন জন; 35 হারীমোর মানুচ্চুন্ তিনশঅ্ কুড়ি জন; 36 যিরীহোর মানুচ্চুন্ তিনশঅ পাচচোল্লিশ জন; 37 লোদ, হাদীদ আর ওনোর মানুচ্চুন্ সাতশঅ এগোশ জন; 38 সনায়ার মানুচ্চুন্ তিন আজার নয়শঅ ত্রিশ জন। 39 ধর্মগুরুগুন অলাক্কে ইগুন্: যেশূয়োর বংশর ভিদিরে যিদয়িয়োর বংশর নয়শঅ তেয়োত্তুর্ জন; 40 ইম্মেরর এক আজার বায়ূন্নো জন; 41 পশ্হূরোর এক আজার দ্বিশঅ সাতচোল্লিশ জন; 42 হারীমোর এক আজার সতর জন। 43 লেবীগুনে অলাক্কে ইগুন্: যেশূয়োর বংশর কদ্মীয়েল আর হোদবিয়োর বংশর মানুচ্চুনে চুয়োত্তর্ জন। 44 গানগেইয়্যেগুনে অলাক্কে ইগুনে: আসফর বংশর একশঅ আটচোল্লিশ জন। 45 উবোসনা-ঘরর্ চুগিদারুনোর সোংখ্যে একশঅ আটত্রিশ জন। ইগুনে অলাক্ শল্লুম, আটের, টল্মোন, অক্কূব, হটীটা আর শোবয়র গুট্টির্ মানুচ্। 46 উবোসনা-ঘরর্ সেবাগুরিয়্যেগুনে : ইগুনে অলাক্ সীহ, হসূফা আর টব্বায়োতর বংশধরুনে; 47 কেরোস, সীয় আর পাদোনর বংশধরুনে; 48 লবানা, হগাব আর শল্ময়র বংশধরুনে; 49 হানন, গিদ্দেল আর গহরর বংশধরুনে; 50 রায়া, রৎসীন আর নকোদর বংশধরুনে; 51 গসম, ঊষ আর পাসেহের বংশধরুনে; 52 বেষয়, মিয়ূনীম আর নফুষযীমোর বংশধরুনে; 53 বকবুক, হকূফা আর হর্হূরর বংশধরুনে; 54 বসলীত, মহীদা আর হর্শার বংশধরুনে; 55 বর্কোস, সীষরা আর তেমহর বংশধরুনে; 56 নৎসীহ আর হটীফার বংশধরুনে। 57 শলোমনর্ চাগরুনোর্ বংশধরুনে: ইগুনে অলাক্ সোটয়, সোফেরত, পরীদা, 58 যালা, দর্কোন, গিদ্দেল, 59 শফটিয়, হটীল, পোখেরৎ-হৎসবায়ীম আর আমোনর বংশধরুনে। 60 উবোসনা-ঘরর্ সেবাগুরিয়্যেগুনে আর শলোমনর্ চাগরুনোর্ বংশধরুনে বেক্কুনে তিনশঅ বিরানব্বই জন। 61 তেল্-মেলহ, তেল্হর্শা, করূব, অদ্দন আর ইম্মেরর চাগালাত্তুন্ যিগুনে এচ্ছ্যন্ তারা ইস্রায়েলীয় বিলিনে নিজোরে ফগদাঙ্ গুরি ন-পারিলাক্। তারা অলাক্: 62 দলায়, টোবিয় আর নকোদর বংশর ছয়শঅ বিয়াল্লিশ জন। 63-64 ধর্মগুরুগুনো ভিদিরেত্তুন্ হবায়, হক্কোস আর বর্সিল্লয়র বংশধরুনে বংশ-নাঙানির্ ভিদিরে তারার্ বংশগুনোরে তোগেয়োন্ মাত্তর্ ন-পান্ বিলিনে অসিজি ইজেবে ধর্মগুরুগুনোর ভিদিরেত্তুন্ তারারে বাদ দিয়্যে ওইয়্যে। বর্সিল্লয়রে সে নাঙে ডাগা অদঅ, কিয়া তে গিলিয়দীয় বর্সিল্লয়র এক্কো ঝিরে লোইয়্যে। 65 শাজন্গুরিয়্যেবো তারারে উগুম্ দিলো যেদকদিন সং ঊরীম আর তুম্মীম বেবহার গুরিবার অধিকারী কনঅ ধর্মগুরু পাহ্ ন-যায় সেদকদিন সং তারা যেনে সুদ্ধো-সাংগ হানার্ কিচ্ছু ন-পান্। 66 বন্দীদজাত্তুন্ ফিরি এচ্ছ্যে পুরো দল্লোর্ মানুচ্ এলাক্কে বিয়াল্লিশ আজার তিনশঅ ষায়েট্ জন। 67 ইগুন্ বাদেয়ো সাত আজার তিনশঅ সাত্রিশ জন চাগর্-চাগরানি আর দ্বিশঅ পাচ্চোল্লিশ জন গানগেইয়্যে এলাক্। 68-69 তারার্ চের্শঅ পাত্রিশ্ছুয়ো উট আর ছয় আজার সাতশঅ কুড়িবো গাধা এলঅ। 70 বংশর মুরুব্বীগুনো ভিদিরেত্তুন্ কয়েকজনে উবোসনা-ঘরর্ কামত্তে দান গুরিলাক্। শাজন্গুরিয়্যেবো ধনভান্ডালত্ দিলোদে সাড়ে ছয় কেজি সোনা, পঞ্চাশচুয়ো পিলে আর ধর্মগুরুগুনোত্তে পাচশঅ ত্রিশছান্ পোজাক্। 71 বংশর মুরুব্বীগুনে কয়েকজনে এ কামানিত্তে একশঅ ত্রিশ কেজি সোনা আর এক আজার চের্শঅ ত্রিশ কেজি রূবো ধনভান্ডালত্ দিলো। 72 বাদবাগি মানুচ্চুনে দিলাক্ বেক্কুনে একশঅ ত্রিশ কেজি সোনা, এক আজার তিনশঅ কেজি রূবো আর ধর্মগুরুগুনোত্তে সাতষট্টিবো পোজাক্। 73 ধর্মগুরুগুনে, লেবীয়গুনে, চুগিদারুনে, গানগেইয়্যেগুনে, উবোসনা-ঘরর্ সেবাগুরিয়্যেগুনে আর অন্য মানুচ্চুনে, অত্তাৎ বেক্ ইস্রায়েলীয়গুনে সাত্ মাসর্ আগেন্দি যে যার্ আদামত্ আর শঅরত্ বজত্তি গরা ধুরিলাক্। |
Copyright © 2021 Bangladesh Bible Society
Bangladesh Bible Society