নহিমিয় 12 - Chakma Bibleধর্মগুরু আর লেবীয়গুনে 1 যিদুক্কুন্ ধর্মগুরু আর লেবীয়গুনে শল্টীয়েলর পূঅ সরুব্বাবিল আর যেশূয়োর লগে বন্দীদজাত্তুন্ ফিরি এচ্ছ্যন্ তারা অলাক্: ধর্মগুরুগুনো ভিদিরে সরায়, যিরমিয়, ইষ্রা, 2 অমরিয়, মল্লুক, হটুশ, 3 শখনিয়, রহূম, মরেমোৎ, 4-6 ইদ্দো, গিন্নথোয়, অবিয়, মিয়ামীন, মোয়াদিয়, বিল্গা, শময়িয়, যোয়ারীব, যিদয়িয়, 7 সল্লু, আমোক, হিল্কিয় আর যিদয়িয়। যেশূয়োর সময়োত্ ইগুনে এলাক্ ধর্মগুরুগুনোর আর তারার্ বংশর মানুচ্চুনো ভিদিরে আজল্। 8 লেবীয়গুনো ভিদিরে যেশূয়, বিন্নুয়ী, কদ্মীয়েল, শেরেবিয়, যিহূদা আর মত্তনিয়। ভালেদি গানর্ চেইচিদিবার্ ভারান্ এলদে মত্তনিয় আর তা বংশর মানুচ্চুনো উগুরে। 9 সেবা-কামর্ সময়োত্ তারার্ মুয়ো-মি থিয়্যেদ তারার্ বংশর বক্বুকিয় আর উন্নো। 10 যেশূয়োর পূঅবোর্ নাঙান্ যোয়াকীম, যোয়াকীমোর পূঅবোর্ নাঙান্ ইলিয়াশীব, ইলিয়াশীবোর পূঅবোর্ নাঙান্ যোয়াদা; 11 যোয়াদার্ পূঅবোর্ নাঙান্ যোনাথন আর যোনাথনর পূঅবোর্ নাঙান্ যদ্দূয়। 12 যোয়াকীমোর সময়োত্ ধর্মগুরু-বংশগুনো ভিদিরে যিগুনে আজল্ এলাক্ তারা অলাক্ সরায়র বংশর মরায়, যিরমিয়োর্ বংশর হনানিয়, 13 ইষ্রার বংশর মশুল্লম, অমরিয়োর বংশর হিহোহানন, 14 মল্লূকীর বংশর যোনাথন, শবনিয়োর্ বংশর যোষেফ, 15 হারীমোর বংশর অদ্ন, মরায়োতর বংশর হিল্কয় 16 ইদ্দোর বংশর সখরিয়, গিন্নথোনর বংশর মশুল্লম, 17 অবিয়োর বংশর সিখ্রি, মিনিয়ামীনোর বংশর একজন, মোয়দিয়োর্ বংশর পিল্টয়, 18 বিল্গার বংশর সম্মুয়, শময়িয়োর্ বংশর যিহোনাথন, 19 যোয়ারীবোর বংশর মত্তনয়, যিদয়িয়োর বংশর উষি, 20 সল্লয়র বংশর কল্লয়, আমোকর বংশর এবর, 21 হিল্কিয়োর বংশর হশবিয়, যিদয়িয়োর্ বংশর নথনেল। 22 ইলিয়াশীব, যোয়াদা, যোহানন আর যদ্দূয়োর্ জীংকানিত্ লেবীয়গুনোর্ আর ধর্মগুরুগুনোর্ বংশর মুরুব্বীগুনোর্ নাঙানি লিস্টিত্ লেগা অর্, আর সিয়েনি থুম্ ওইয়্যেদে পারস্যের রাজা দারিয়াবসর রাজাগিরির সময়োত্। 23 লেবির বংশর মুরুব্বীগুনোর নাঙানি ইলিয়ামীবোর পূঅ যোহাননর সময়বো সং বংশাবলি নাঙে বোইবোর্ ভিদিরে লেগা ওইয়্যে। 24 লেবীয়গুনোর নেতা হশবিয়, শেরেবিয়, কদ্মীয়েলর পূঅ যেশূয় আর তারার্ বংশর মানুচ্চুনে গোজেনর মানুচ্ দায়ূদোর কধামজিম্ অন্য দলর্ মুজুঙো-মুজুঙি থিয়্যেইনে দলকে দল্ গোজেনরে নাঙ্ গিনিদাক্ আর ভালেদি জানেদাক্। 25 মত্তনিয়, বক্বুকিয়, ওবদিয়, মশূল্লম, টল্মোন আর অক্কুব অলদে চুগিদার। ইগুনে গেদোর্ কায়-কুরে ভান্ডালুনোর্-ঘরানি চুগি দিদাক্। 26 যেশূয়োর পূঅ, অত্তাৎ যোষাদকর নাদিন যোয়াকীম আর শাজন্গুরিয়্যে নহিমিয় আর ধর্মগুরু, ধর্মীয় মাস্টর্ ইষ্রার সময়োত্ ইগুনে চুগি দিদাক্। যিরূশালেমর দেবাল উৎর্সর পরব্ 27 যিরূশালেমর দেবালান্ গোজেনর নাঙে উৎসর্বর পরবোর্ সময়োত্ লেবীয়গুনে যিয়েনত্ বজত্তি গুরিদাক্ সিয়েনত্তুন্ তারারে যিরূশালেমত্ যিরূশালেমত্ আনা অলঅ যেনে তারা ঝোন্জোনি, বীণা আর হার্মোনি বাজেইনে আর ভালেদির্ গান্ গেইনে হুজিয়্যে রাজিয়্যে সে মেট্বানান্ পালেই পারন্। 28-29 যিরূশালেমর কায়-কুরে জাগাত্তুন্ নটোফাতীয়গুনোর্ আদামত্তুন্, বৈৎ-গিল্গলত্তুন্ আর গেবা আর অস্মাবৎ চাগালাত্তুন্ গানগেইয়্যেগুনোরেয়ো আনিনে এগত্তর্ গরা অলঅ। এ লেবীয় গানগেইয়্যেগুনে যিরূশালেমর চেরোকিত্তে এ জাগায়ানিত্ নিজোত্তে আদাম্ বোজেলাক্। 30 ধর্মগুরু আর লেবীয়গুনে নিজোরে সিজি গুরিলাক্ আর মানুচ্চুনোরেয়ো সিজি গুরিলাক্; পরেন্দি গেট্তুন আর দেবালানি সিজি গুরিলাক্। 31 সে পরেন্দি মুই যিহূদার নেতাগুনোরে সে দেবাল উগুরে নেযেলুঙ্ আর ভালেদি জানেবাত্তে দ্বিবে দাঙর্ গান দল্ ঠিগ্ গুরিলুঙ্। এক্কো দলে দেবাল উগুরে ডেনেন্দি সার-গেদোর্ ইন্দি গেলঅ। 32 তারার্ পিজেন্দি গেলদে হোশয়িয় আর যিহূদার নেতাগুনোর অদ্দেক্ মানুচ্। 33 তারার্ লগে গেলঅ অসরিয়, ইষ্রা, মশুল্লম, 34-36 যিহূদা, বিন্যামীন, শময়িয় আর যিরমিয়। ইগুনে বাদেয়ো তূরী আঢত্ গুরিনে কয়েক্কো ধর্মগুরুয়ো গেলাক্। ইগুনে অলাক্ সখরিয় আর তার্ সমাজ্যে শময়িয়, অসরেল, মিললয়, গিললয়, মায়য়, নথনেল, যিহূদা আর হনানি। সখরিয়োর পূরোণিমানুচ্চুনে অলাক্ যোনাথন, শময়িয়, মত্তনিয়, মীখায়, সক্কুর্ আর আসফে। ইগুনে গোজেনর মানুচ্ দায়ূদো কধা মজিম্ নানান্ বাবোত্যে বাজনা লোই আদিলাক্। ধর্ম-মাস্টর্ ইষ্রা এ দল্লোর্ আগে আদিলো। 37 পয়নালার্-গেট্তোর্ কায়কুরে যিয়েনত্ দেবাল উগুরেন্দি উদি যেইয়্যেগোই সিয়েনত্ তারা উজু গুরিনে দায়ূদ-শঅরত্ উদেদে সিড়িগানন্দি উদিনে দায়ূদোর ঘরর্ কায়-কুরে পুগেন্দি পানি-গেট্তোত্ গেলাক্। 38 দ্বিলম্বর্ গানর্ দল্লো উল্লো গুরিনে উজেই গেলঅ। মুই বাদবাগি অদ্দেক্ মানুচ্ লোইনে দেবাল উগুরেন্দি তারার্ পিজে পিজে গেলুঙ্। তারা তুন্দুর-তাম্বুলান্ পার্ ওইনে পাদাজ্যে দেবালান্ সং গেলাক্। 39 সে পরেন্দি ইফ্রয়িম-গেট্, যিশানা-গেট্, মাছ-গেট্, হননেলর তাম্বুলান্ আর হম্মেয়ার তাম্বুলোর্ কায়-কুরেন্দি মেষ-গেট্তুয়ো সং গেলাক্। সে পরেন্দি চুগিদার্-গেদোর্ ইদু যেইনে তারা থামেলাক্। 40 যে দ্বিবে গানর্ দলে ভালেদি দুয়োন্ তারা সে পরেন্দি গোজেনর ঘরর্ ভিদিরে তারার্ জাগানত্ যেইনে থিয়্যেলাক্। মুইয়ো সিয়েন্ গুরিলুঙ্ আর আমা লগে রলাক্ দাঙর্ পোজিশনর্ কাম্গুরিয়্যেগুনো ভিদিরেত্তুন্ অদ্দেক্ মানুচ্। 41 ইলীয়াকীম, মাসেয়, মিনিয়ামীন, মীখায়, ইলিয়ৈনয়, সখরিয় আর হনানিয় নাঙে ধর্মগুরুগুনে তারার্ তূরীগুন্ আমা লগে রলাক্। 42 ইগুনে বাদেয়ো রলাক্ মাসেয়, শময়িয়, ইলিয়াসর, উষি, যিহোহানন, মল্কিয়, এলম আর এষর। গানর দলঅ মানুচ্চুনে যিষ্রহিয়োর্ উগুম্ মজিম্ গান গেলাক্। 43 গোজেনে তারারে বোউত্ হুজি দান গোজ্যে বিলিনে সেদিন্যে মানুচ্চুনে দাঙর্ এক্কো উৎসর্বর অনুষ্ঠান গুরিলাক্ আর অমকদ ফুুত্তি গুরিলাক্। তারার্ মিলেগুনে আর ঝি-পূঅগুনে ফুত্তি গুরিলাক্। যিরূশালেমর মানুচ্চুনোর এ হুজির্ রঅগুন্ বোউত্ দূরোত্তুন্ শুনো গেলঅ। উবোসনা-ঘরত্ দান আনানা 44 ভান্ডাল-ঘরত্ যিদুক্কুন্ দান, পত্তমে তুল্যে ফসল আর দশমাংশ আনা অদঅ সিগুন্ চেইচিদিবাত্তে সে অক্তত্ মানুচ্চুনোরে নেযা অলঅ। তারা আদামানির কায়-কুরে ক্ষেদত্তুন্ রীদি-সুদোম মজিম ধর্মগুরু আর লেবীয়গুনোত্তে মানুচ্চুনোর ইত্তুন্ ফসলর ভাগ্ লোই এদাক্। যিহূদার মানুচ্চুনে হুজি মনে দিদাক্, কিত্যে সেবাগুরিয়্যে ধর্মগুরু আর লেবীয়গুনোরে কামত্ তারা হুজি এলাক্। 45 দায়ূদ আর তার্ পূঅ শলোমনর্ উগুম মজিম্ ধর্মগুরু আর লেবীয়গুনে তারার্ গোজেনর সেবা-কাম্ আর সিজি গুরিবার্ কামানি গুরিদাক্ আর গানগেইয়্যে আর চুগিদারুনে তারার্ ঠিগ্ গোজ্যে কামানি গুরিদাক্। 46 বোউত্ বজর্ আগেত্তুন্ ধুরি দায়ূদ আর আসফর সময়োত্ গোজেনর নাঙে বাঈনী আর ভালেদির গান গেবাত্তে গানগেইয়্যেগুনোরে আর পরিচালক্কুনোরে নেযা ওইয়্যে। 47 সরুব্বাবিল আর নহিমিয়োর সময়োত্অ ইস্রায়েলীয়গুনে বেক্কুনে গানগেইয়্যেগুনোরে আর চুগিদারুনোরে পত্তিদিনোর্ পাইদে ভাগ্কুন দিদাক্। ইয়েনিবাদেয়ো তারা অন্য লেবীয়গুনোর পাইদে ভাগ্কুনঅ যুদো গুরি রাগেদাক্ আর লেবীয়গুনে যুদো গুরি রাগেদাক্ হারোণর বংশধরুনোর পাইদে ভাগ্কুন। |
Copyright © 2021 Bangladesh Bible Society
Bangladesh Bible Society