নহিমিয় 10 - Chakma Bible1 যিগুনে সিয়েন উগুরে সীলমহ্র দুয়োন্ তারা অলাক্কে হখলিয়োর্ পূঅ শাজন্গুরিয়্যে নহিমিয় আর সিদিকিয়, 2 সরায়, অসরিয়, যিরমিয়, 3 পশহূর, অমরিয়, মল্কিয়, 4-6 হটূশ, শবনিয়, মল্লূক, হারীম, মরেমোৎ, ওবদিয়, দানিয়েল, গিন্নথোন, বারূক, 7 মশুল্লম, অবিয়, মিয়ামীন, 8 মাসিয়, বিল্গয় আর শময়িয়। ইগুনে বেক্কুনে ধর্মগুরু এলাক্। 9-10 লেবীয়গুনোর্ ভিদিরেত্তুন্ যিগুনে সীলমহ্র্ দুয়োন্ তারা অলাক্ অসনিয়োর্ পূঅ যেশূয়, হেনাদদর্ বংশধর বিন্নুয়ী আর কদ্মীয়েল আর তারার্ সমাজ্যে শবনিয়, হোদিয়, কলীট, পলায়, হানন, 11 মীখা, রহোব, হশবিয়, 12 সক্কূর, শেরেবিয়, শবনিয়, 13 হোদীয়, বানি আর বনীনু। 14 মানুচ্চুনোর্ নেতাগুনোর্ ভিদিরেত্তুন্ যিগুনে সীলমোহর দুয়োন্ তারা অলাক্ পরোশ, পহৎ-মোয়াব, এলম, সত্তূ, বানি, 15 বুন্নি, অস্গদ, বেবয়, 16 অদোনিয়, বিগ্বয়, আদীন, 17-19 আটের, হিষ্কিয়, অসূর, হোদিয়, হশুম, বেৎসয়, হারীফ, অনাথোৎ, নবয়, 20-22 মগ্পীয়শ, মশুল্লম, হেষীর, মশেষবেল, সাদোক্, যদ্দুয়, পলটিয়, হানন, অনায়, 23-25 হোশেয়, হনানিয়, হশূব, হলোহেশ, পিল্হ, শোবেক, রহূম, হশব্না, মাসেয়, 26 অহিয়, হানন, অনান, 27 মল্লূক, হারীম আর বানা। চুক্তির্ বেপারানি 28-29 আমি বাদবাগি মানুচ্চুনে, অত্তাৎ ধর্মগুরুগুনে, লেবীয়গুনে, রোক্ষীগুনে, গানগেইয়্যেগুনে, উবোসনা-ঘরর্ সেবাগুরিয়্যেগুনে আর গোজেনর রীদি-সুদোমানি পালেবাত্তে যিগুনে কায়-কুরে জাদ্তুনো ভিদিরেত্তুন্ নিজোরে ফারগ্ গুরি নেযেয়োন্, আমা মোগ্কুন আর আমা যিদুক্কুন্ ঝি-পূঅর্ বুঝিবার্ জ্ঞান্ ওইয়্যে, আমি বেক্কুনে আমা ভেইয়ূনোরে, অত্তাৎ মুরুব্বীগুনোর্ লগে মিজের্। আমি কোত্তে, আমি যে শমক্কান্ হেবাত্তে যের্ সিয়েন্ যুনি আমি ন-পালেই সালে আমা উগুরে অভিশাব্পান পড়ে। আমি গোজেনর চাগর্ মোশির মাধ্যমে দিয়্যে গোজেনর্ রীদি-সুদোম্ মজিম চলিবোং আর আমা প্রভু লগেপ্রভুর বেক্ উগুমানি, হুকুমানি আর সুদোমানি যত্তন্ গুরিনে পালেবং। 30 আমি আমা কায়-কুরে জাদ্তুনোর্ লগে আমা ঝিগুনোরে বৌ ন-দিবোং বা আমা পূঅগুনোত্তে তারার্ ঝিগুনোরে বৌ ন-নিবোং। 31 জিরেবার্ দিনোত্ বা অন্য কনঅ পবিত্র দিনোত্ যুনি কায়-কুরে জাদর্ মানুচ্চুনে কনঅ পযাপিরা বা শোজ্য বিজিবাত্তে লোই এজন্ সালে তারাত্তুন্ আমি সিয়েনি ন-কিনিবোং। পত্তি সাত্ মাজত্ আমি ভূইয়ো চাষ্ ন-গুরিবোং আর বেক্ কজ্জগুন্ মাপ্ গুরি দিবোং। 32 আমা গোজেন ঘরর্ সেবা-কামত্তে পত্তি বজর্ এক শেখেলর তিন ভাগর্ এক ভাগ্ দিবার্ ভারান্ আমি গুজি ললং। 33 এ শেখেলানিলোই যেনে টেবিলো উগুরে মুুজুঙো-রুটি দিয়্যে যায় আর দিনমজিম্ শোজ্য আর পূজ্যে-উৎসর্বর পরব্, জিরেবার্ দিনোত্ উৎসর্বর পরব্, আঙোস্যে আর অন্য ঠিগ্ গোজ্যে পরব্ পালেবার্ মেট্বান, সুদ্ধো-সাংগ জিনিস উৎসর্বর পরব্ আর ইস্রায়েলীয়গুনোর পাপ ঢাগিবাত্তে পাপ-উৎসর্বর পরব্ গরা যায় আর আমা গোজেনর ঘরর্ বেক্ কামানি গরা যায়। 34 আমা রীদি-সুদোমত্ যিয়েনি লেগা আঘে সেধোক্কেন্ আমা গোজেন লগেপ্রভুর পূজোবো উগুরে পুড়িবাত্তে পত্তি বজর্ ঠিগ্গোজ্যে আমা গোজেনর্ ঘরত্ আমা পত্তি বংশত্তুন্ কক্কে তক্তা আনা পুরিবো সিয়েন্ ঠিগ্ গুরিবাত্তে আমি, অত্তাৎ ধর্মগুরুগুনে, লেবীয়গুনে আর মানুচ্চুনে চাম্বা চেলাক্। 35 আমি পত্তি বজর্ পত্তমে কাপ্যে খেত-খেত্তি আর পত্তি গাজর্ পত্তম্ ফল্লো লগেপ্রভুর ঘরত্ আনিবোং। 36 রীদি-সুদোমত্ যেধোক্কেন্ লেগা আঘে সেধোক্কেন্ আমি আমার্ পত্তম্ মরদ পূঅবো আর এ্যমানর্ পত্তম্ ছঅবো আমা গোজেনর সেবাগুরিয়্যে ধর্মগুরুগুনোর ইদু নেযেবং। 37 ইয়েনিবাদেয়ো আমা মোয়দ্যের্ আর শোজ্য-উৎসর্বর পত্তম্ ভাগ্কুয়ো, বেক্ গাজ্ছুনোর পত্তম ফল্লো আর নূয়ো আংগুর-রস আর তেলর্ পত্তম্ ভাগ্কুয়ো আমি আমার গোজেনর ঘরর্ ভান্ডাল-ঘরত্ ধর্মগুরুগুনোর্ ইদু আনিবোং। আর আমা ফসলর দশ ভাগর্ এক ভাগ্ লেবীয়গুনোর্ ইদু আনিবোং, কিত্যে আমা বেক্ আদামানিত্ লেবীয়গুনে দশমাংশ গুজি লন্। 38 লেবীয়গুনে যেক্কে দশমাংশ নিবাক্ সেক্কে তারার্ লগে থেবাক্ হারোণর বংশর এক্কো ধর্মগুরু। লেবীয়গুনে সে বেক্ দশমাংশগুনোর্ দশ ভাগর্ এক ভাগ্ আমা গোজেনর ঘরর্ ধনভান্ডালর্ গুদিগুনোত্ নেযেবাক্। 39 ধনভান্ডালর যিদুক্কুন্ গুদিত্ সুদ্ধো-সাংগ জাগানত্ পযাপিরা রাগা অয় আর সেবাগুরিয়্যে ধর্মগুরুগুনে, চুগিদারুনে আর গানগেইয়্যেগুনে থান্ সিয়েনত্ ইস্রায়েলীয়গুনে আর লেবীয়গুনে তারার্ শোজ্য, নূয়ো আংগুর-রস আর তেল লোই এবাক্। আমা গোজেনর ঘরর্ কামত্তেই যিয়েনি দরকার্ আমি সিয়েনি দিয়্যে ধুরিবোং। |
Copyright © 2021 Bangladesh Bible Society
Bangladesh Bible Society