যিরমিয় 45 - Chakma Bible

বারূকত্তে লগেপ্রভুর কধা

¹ যোশিয়র পুয়ো যিহূদার রাজা যিহোয়াকীমর রাজাগিরির চের্ বজরত্ যিরমিয় ইধু শুনিনে সিয়েনি নেরিয়র পুয়ো বারূকে গুচ্চ্যেই রাগেয়্যে বোইবোত্ লেখ্যে।

² সে অক্তত্ ভাববাদী যিরমিয় তারে কলঅ, বারূক, ইস্রায়েলর গোজেন লগেপ্রভু তরে কোইয়্যেদে,

³ তুই কোইয়োচ্, হায়! লগেপ্রভু মঅ পীড়ে উগুরে মরে দুঘ্ দিয়্যে; মুই ফবাদে ফবাদে বল্‌‍পোজ্যে ওইয়োং,জিরেন ন-পাঙর্।

⁴ “লগেপ্রভু মরে এ কধাগান তরে কবাত্তে কোইয়্যে, ‘মুই লগেপ্রভু সারা দেজ ভিদিরে যিয়েনি বানেয়োং সিয়েনি ভাঙি ফেলেম আর যিয়েনি লাগেয়োং সিয়েনি উগুড়েই ফেলেম।

⁵ সালে তুই কেধোক্ক্যেন গুরি নিজোত্তে গুণোর্ গুণোর্ পৌইদ্যেনে আজা গরর্? সিয়েনি ন-গুরিচ্। মনত্ রাগেচ্, বেক্ মানুচ্চুনো উগুরে মুই দযাগান্ আনিম, মাত্তর্ তুই যিদু যেদে সাৎ মুই তরে পরাণে বাঁজেই রাগেম। মুই লগেপ্রভু এ কধাগান কঙর্।’ ”