যিরমিয় 24 - Chakma Bible

দ্বি কাল্যং ডোমোর গুলো

¹ বাবিলর রাজা নবূখদ্‌নিৎসরে যিহোয়াকীমর পুয়ো যিহূদার রাজা যিহোয়াখীন আর যিহূদার রাজা যিহোয়াখীন আর যিহূদার রাজকর্মচারীগুন, কালিগর আর কর্মকারুনোরে যিরূশালেমত্তুন বাবিলোত্ বন্দী গুরি নেযানার পরেদি লগেপ্রভু মরে তা ঘর মুজুঙোত্ থোইয়্যে দ্বিকাল্যং ডোমোর গুলো দেগেল।

² এক্কো কাল্যঙত্ এলাক্ পত্তমে পাক্যে ডোমোর ধোক্ক্যেন অমকদ গম্ ডোমোর, আর অন্যবোত্ এলাক্ অমকদ বজং ডোমোর, এদক্ বজং যে, হা ন-যায়।

³ লগেপ্রভু মরে পুযোর্ গুরিলো, “যিরমিয়, তুই কি দেগর্?” জোবত্ মুই কলুং, “ডোমোর; গমুন অমকদ গম্, মাত্তর্ বজঙুন এদক্ বজং যে, সিগুন হা ন-যায়।”

⁴ পরেদি লগেপ্রভু মরে কলঅ,

⁵ মুই ইস্রায়েলর গোজেন লগেপ্রভু কঙর্, যিহূদাত্তুন যে বন্দীগুনোরে মুই ইত্তুন বাবিলীয়গুনোর দেজত্ পাদেয়োং তারারে মুই এই গম্ ডোমোর ধোক্ক্যেন মনে গুরিম।

⁶ মুই তারার ভালেদিত্তে তারা উগুরে খিয়েল্ রাগেম আর এ দেজত্ তারারে ফিরেই আনিম। মুই তারারে গড়েই তুলিম, ভাঙি ন-ফেলেম; মুই তারারে লাগেই দিম, তুলি ন-ফেলেম।

⁷ মুয়ই যে লগেপ্রভু সিয়েন হবর্ পেবার মনান্ মুই তারারে দিম। তারা মর্ মানুচ্ অবাক্ আর মুই তারার গোজেন ওম্, কিত্তে বেক্ মনান্ দিইনে তারা মইধু ফিরি এবাক্।

⁸ “মাত্তর্ এই বজং ডোমোর, যিগুন এদক্ বজং যে, হা ন-যায়, সিগুনো ধোক্ক্যেন গুরি মুই যিহূদার রাজা সিদিকিয়, তার রাজার্ চাগর্ আর যিরূশালেমর যে মানুচ্চুনে দেজত্ রোইয়োন বা মিসরত্ বজত্তি গত্তন তারা লগে ভান্ন্যেই বেবহার গুরিম।

⁹ মুই তারারে যিয়েনত্ দূর গুরি দুয়োং সাৎ সিয়েনত্ মুই তারারে দর্‌‌গরেপারা মান্‌‌‍জ্য ধোক্ক্যেন গুরিম‍, পিত্‌থিমীর বেক্ জাদ্‌‌‍‌‌তুনো ইধু কাঙেলেত্যের বেপার্, এক্কো ঈচ্ গরা হেইয়্যে মানুচ্, এক্কান দাগ কধা আর এক্কো ঈচ্ গরা হেইয়্যে মানুচ্। মান্‌‌‍‌‍‌জ্যে তারা নাঙানিলোই অভিশাব্ দিবাক্।

¹⁰ মুই তারারে আর তারার পুরোণি মানুচ্চুনোরে যে দেজ্‌‌চান দুয়োং সে দেজত্ যেদক্ ভিলোন সং তারা এক্কুবারে ভস্ত ওই ন-যান সেদক্ ভিলোন সং মুই তারা ভিদিরে যুদ্ধো, ভাদরাত আর ভানা পাদেম্।”