যিশাইয় 55 - Chakma Bible

তিরেস্‌‍‌‌‍‍বলাগুনোরে বাত্যেনা

¹ লগেপ্রভু কত্তে, “ও তিরেস্ পেইয়্যে মানুচ্চুন্, তুমি বেক্কুনে পানি কায়-কুরে এজঅ; যিবের টেঙা-পোজে নেই তেয়ো এইনে কিনি হেই যোক্। এজঅ, টেঙা ছাড়া, এনেবাদে আংগুর-রস আর দুধ কিনো।

² যিয়েন কনঅ হানা নয় সিয়েনত্তে কিত্তে পোজে খরচ্ গুরিবে? যিয়েন হেলে ঈল্ ন-অয় সিয়েনত্তে কিত্তে কাম্ গুরিবে? শুন্, মঅ কধাগান শুন্, যিয়েন গম্ সিয়েনই হা; সেক্কে বেগত্তুন গম্ হানাগান পেইনে তমার পরাণানে হুজি অবঅ।

³ মঅ কধানি শুন্, মইদু আয়; মঅ কধাগান শুন্ যেন তুমি জেদা থাগঅ। মর্ বিশ্বেজে ভরা কোচ্‌‍‌‌‍‍পানালোই মুই দায়ূদো ইদু যে এগেমান্ গোজ্যং সেই মজিম্ মুই তমাত্তে এক্কান উমরর্ সুদোম্ থিদেবর্ গুরিম।‍

⁴ চাহ্, মুই তারে জাদ্‌তুনো ইদু এক্কো সাক্ষী, এক্কো নেতা আর তারার্ সেনাপতি ইজেবে নেযেয়োং। ‍‌‌‍‍‍

⁵ ঘেচ্চেকগুরি, যে জাদ্‌তুনোরে তুমি ন-চিনিদা তারারে ডাগিবা আর সেই জাদ্‌‍‌‌‍‍‍‍তুনে, যিগুনে তমারে ন-চিনোন্ তারা ধাবা ধাবা এইনে তমা ইদু এবাক্। তমা গোজেন লগেপ্রভু, ইস্রায়েলর সেই সুদ্ধো-সাংগ মানুচ্চোত্তে তারা সিয়েন গুরিবাক্, কিত্তে তে তমারে বাঈনী পানালোই বর্‌‍‌‌‍‍‍‍‌‌‍পুনোং গোজ্যে।” ‍‍

⁶ লগেপ্রভু কায়কুরে থাগদে তান্দি ফিরো; তে কায়কুরে থাগদে থাগদে তারে ডাগঅ।

⁷ পাজি মানুচ্চো তা পথ্‌তান ছাড়ি দুয়োক্ আর ভান্ন্যেই মানুচ্চো তার বেক চিদে চজ্জাগানি বাদ দুয়োক্। তে লগেপ্রভু ইন্দি ফিরোক্, সেক্কে তে তা উগুরে মেয়্যে গুরিবো; আমা গোজেন ইন্দি ফিরোক্, কিত্তে তে বেক্কানি খেমা গুরিবো।

⁸ লগেপ্রভু কত্তে, “মর্ চিদেচজ্জানি তর্ চিদেচজ্জা ধোক্ক্যেন নয়, মঅ পত্‌‍‌‌‍‍‍‍‍থান তমা পথ্‌তান ধোক্ক্যেন নয়। ‍

⁹ দেবাবো যেধোক্ক্যেন পিত্‌থিমীত্তুন বোউত্ অজলত্, সেধোক্ক্যেন মঅ পথ্‌তান তমা পথ্‌তানত্তুন, মর্ চিদে চজ্জানি তমা চিদে চজ্জাত্তুন্ বোউত্ দাঙর্।‍‌‌‍‍‍‍‍‍

¹⁰ ঝড় আর তুষারানি আগাজত্তুন্ লামি এজে আর পিত্‌থিমীগানরে পানি দান ন-গুরিনে সিদু ফিরি ন-যায়, বরং সিয়েনত্ ফুল আর গুলোগুলি ধরায় আর যে বীজ্ ফেলায় তাত্তে শোজ্য আর যে হায় তাত্তে হানা দান গরে।‍‌‌‍‍‍‍‍‍

¹¹ ঠিগ্ সেধোক্ক্যেন গুরি মঅ মুয়োত্তুন্ নিগিলি এচ্চ্যে কধানি নিষ্ফল ওইনে মইদু ফিরি ন-এবঅ, বরং সিয়েনি মঅ আওজ্ মজিম্ কাম গুরিবো আর যে আজায় মুই পাদেয়োং সিয়েন সফল অবঅ।

¹² তুমি হুজিয়ে বারেদি যেবা আর সুগে শান্দিয়্যে তমারে নেযা অবঅ। মুড়ো-মুড়িগুনে তঅ মুজুঙোত্ দাঙর্ দাঙর্ গুরি গান গেবাক্ আর মাদর্ বেক গাজ্-বাজ্‌চুনে আদ্‌তালি দিবাক্।

¹³ কাদাঝুবোর্ বদলে বেরস আর কাদাগাজর বদলে গুলমেঁদি জোর্মেব। লগেপ্রভুর সুনাঙত্তে এক্কান উমরর্ চিহ্নো ইজেবে ইয়েনি অবঅ। সেই চিহ্নোগান কনদিন্অ ভস্ত ন-অবঅ।”