হোশেয় 3 - Chakma Bible

মোগো লগে হোশেয়র মিজেনা

¹ লগেপ্রভু মরে কোইয়্যেদে, “যুনিয়ো তঅ মোক্কো অন্য মান্‌জ্য লগে বেভিচের্ গোজ্যে তো তুই যেইনে তারে আরঅ কোচ্‌‌‌‌‌‌‌‌পেচ্‌‌‌‌। ইস্রায়েলীয়গুনে যুনিয়ো দেব-দেবেদা ইন্দি ফিজ্যন্ আর পূজোর্ কিশমিশর পিদে গম্ পান তো লগেপ্রভু যেবাবোত্যে তারারে কোচ্‌‌‌‌‌‌‌পায়, ঠিগ্ সেবাবোত্যেগুরি তুই তঅ মোক্কোরে কোচ্‌‌‌‌‌‌‌পেচ্।”

² সেনত্তে মুই তারে একশঅ আশি গ্রাম রূবো আর নব্বই কেজি কেচ্‌‌‌‌‌‌‌‌বিজি দিইনে কিনি আনিলুং।

³ সে পরেদি মুই তারে কলুং, “মঅ লগে কিয়্যেদি মিজেবাত্তে তত্তুন্ ভালোক্ দিন বাজ্জেই থাহ্ পড়িবো। তুই বেভিচের্ ন-গুরিবে বা কনঅ মান্‌জ্য লগে কোচ্‌‌‌‌‌‌‌‌‌‌‌পানার সম্পর্ক ন-গুরিবে‌‌‌‌‌‌‌‌। মুইয়ো তত্তে বাজ্জেই থেইম্।”

⁴ ঠিগ্ এবাবোত্যেগুরি ইস্রায়েলীয়গুনে ভালোক্ দিন সং রাজা, নেতা, উৎসর্বর অনুষ্ঠান, পূজোর্ পাত্তর্, এফোদ আর মূত্তি ছাড়া থেবাক্।

⁵ সে পরেদি তারা তারার্ গোজেন লগেপ্রভুর আর তারার্ রাজা দায়ূদো ইন্দি ফিরিবাক্। শেষ্‌‌‌‌‌‌‌‌‌‌কালত্ তারা লগেপ্রভুর বর্ পেবাত্তে দোরেই দোরেই তাইদু এবাক্।