Biblia Todo Logo
Bìoball air-loidhne

- Sanasan -

যিহিষ্কেল 22 - Chakma Bible


যিরূশালেমর পাপ

1 পরেদি লগেপ্রভু মরে আরঅ কলঅ,

2 ও মান্‌‌‌‌‌‌‌‌জ্যর পুয়োবো, তুই কি বিচের্ গুরিবাত্তে যুক্কোল্ আগচ্? সালে তুই লো ঝোরেয়্যে এই শঅরানর্ বিচের্ গর্। তুই তার্ বেক জঘন্য কামানির কধা তারে জানা।

3 তুই কঅ, প্রভু লগেপ্রভু কোইয়্যেদে, ইয়েন সে শঅরান্, যে নিজো ভিদিরে লো ঝোরেইনে নিজোর্ দযা ডাগি আনে আর মূত্তি বানেইনে নিজোরে অসিজি গরে।

4 লো ঝোরেইনে তুই দুষি ওইয়োচ্ আর মূত্তি বানেইনে অসিজি ওইয়োচ্। তুই তর্ দিনুন্ কায়কুরে আন্ন্যচ্ আর তর্ শেজকাল আজিল্ ওইয়্যে। সেনত্তে জাদ্‌‌‌‌‌‌‌‌‌তুনো ইধু মুই তরে ঠাট্টা-ঈচ্ গরেদে ধোক্ক্যেন গুরিম আর বেক্ দেজ্‌‌‌‌‌‌‌‌‌চান ইধু আজি উদোন্ পারা গুরিম।

5 ও অশান্তিবলা জঘন্য শঅরান্, যিগুনে কায়কুরে এজন্ আর যিগুনে দূরোত্ আগন তারা তরে ঈচ্ গুরিবাক্।

6 চঅ, তঅ ভিদিরে ইস্রায়েলর্ পত্তি শাজন্‌গুরিয়্যে লো ঝোরেবাত্তে কিবাবোত্যেগুরি তার্ খেমতাগান বেবহার গরের্।

7 তঅ ভিদিরে মান্‌‌‌‌‌‌‌‌‌‌জ্যে মা-বাবরে ঈচ্ গত্তন্, বিদেশীগুনোরে অত্যেচার গত্তন্ আর মা-বাপ নেইয়্যে আহ্ রানিমিলেগুনো সমারে ভান্ন্যেই বেবহার গত্তন্।

8 তুই মর্ সুদ্ধো-সাংগ জিনিস্‌‌‌‌‌‌‌‌‌‌চানি ঈচ্ গোজ্যস্ আর মর্ জিরেবার দিনুনোর পবিত্রতাগান রোক্ষ্যে ন-গরচ্।

9 তঅ ভিদিরে এমন এমন মানুচ্ আগন্ যিগুনে অন্যগুনোরে বদ্‌‌‌‌‌‌‌‌‌‌‌নাং গুরিনে তারার্ লো ঝরান্, মুড়ো উগুরে পূজোর্ জাগানত্ হানা-দানা গরন আর ভান্ন্যেই ভান্ন্যেই কাম গরন।

10 তঅ ভিদিরে এমন এমন মানুচ্ আগন যিগুনে সাদাঙা মা লগে বেভিচের্ গরন, মিলের্ মাসিগো সময়োত্ অসিজি অবস্থাত্ জোর্ গুরিনে তা সমারে কিয়্যেলোই মিজেন্,

11 পাড়াল্যে মিলে সমারে, পুদোবো সমারে আর নিজো সাদাঙা বোন সমারে বেভিচের্ গরন।

12 তঅ ভিদিরে লো ঝোরেবাত্তে মান্‌জ্যে ঘুষ হান্; ইয়েন বাদেয়ো তারা বেশ্ লন্ আর জুলুম গুরিনে পাড়াল্যেগুনোত্তুন্ ভাড়েই হান্। তুই মরে ভুলি যেইয়োচ্। মুই প্রভু লগেপ্রভু এ কধাগান কঙর্।

13 “‘তুই যে অন্যেয় গুরি লাভ্ গোজ্যস্ আর তঅ ভিদিরে যে লো ঝোরেয়োচ্ সিয়েনত্তে মুই হামাক্কায় মঅ আঢ্‌তানিলোই আঘাত্ গুরিম।‌

14 মুই যেদিন্যে তত্তুন্ ইজেব নিম্ সেদিন্যে কি তর্ সাহস থেবঅ? তঅ আঢত্ কি জোর্ থেবঅ? মুই লগেপ্রভু এ কধাগান কলুং আর মুই সিয়েন হামাক্কায় গুরিম।

15 মুই তঅ মানুচ্চুনোরে নানান্ জাদত্ আর দেজ ভিদিরে ছিদি দিম্ আর তর্ অসিজিগান দূর্ গুরিম।

16 জাদ্‌‌‌তুনো মুজুঙোত্ তুই যেক্কে অসর্মান অবে সেক্কে তুই হবর্ পেবে, মুই লগেপ্রভু।’”

17 সে পরেদি লগেপ্রভু মরে কলঅ,

18 “ও মান্‌‌‌‌জ্যর পুয়োবো, ইস্রায়েলীয়গুনে মইধু ফেলা যেইয়্যে ধোক্ক্যেন্ ওইয়োন; তারা বেক্কুনে যেন রূবো খাটি গুরিবার সময় চুলো ভিদিরে ফেলা যেইয়্যে ইজেবে পড়ি থেইয়্যে পিদোল্, টিন, লো আর সিজে ধোক্ক্যেন্।

19 সেনত্তে মুই প্রভু লগেপ্রভু তারারে কঙত্তে, ‘তুমি বেক্কুনে খাদ ওই যেইয়ো বিলিনে মুই যিরূশালেমত্ তমারে এগত্তর্ গুরিম।

20 মান্‌‌‌‌‌জ্যে যেবাবোত্যে রূবো, পিদোল্, লুয়ো, সীজে আর টিন তুবেইনে চুলোত্ দিইনে গোলেবাত্তে আগুনোত্ ফুন্ দুয়োন সেবাবোত্যেগুরি মর্ অমকদ বেজার্ আর রাগে মুই তমারে এগত্তর্ গুরিনে শঅর ভিদিরে থুয়োইনে গোলেম্।

21 মুই তমারে এগত্তর্ গুরিনে মর্ জোল্‌‌‌‌‌‌‌জোল্যে রাগে ফুন্ দিম আর তুমি শঅর ভিদিরে গুলি যেবা।

22 চুলো ভিদিরে যেবাবোত্যে রূবো গুলি যায় তুমিয়ো সেবাবোত্যেগুরি সিয়েন ভিদিরে গুলি যেবা। সেক্কে তুমি হবর্ পেবা, মুই লগেপ্রভু তমা উগুরে মঅ রাগ্‌‌‌‌‌‌‌‌কান ঢালি দুয়োং।’”

23 আরঅ লগেপ্রভু মরে কলঅ,

24 ও মান্‌‌‌‌‌‌‌‌‌জ্যর পুয়োবো, তুই দেজ্‌‌‌‌‌‌‌‌‌‌চানরে কঅ, তুই এক্কান অসিজি দেজ্, সেনত্তে মর্ রাগ দিনোত্ তঅ উগুরে ঝড় ন-পড়িবো।

25 সেই দেজ মানুচ্চুনে কুজুরোমি গরন্; তারা গুজুরি উদোন্দে সিংহ ধোক্ক্যেন শিগের্ গরন। তারা মানুচ্চুনোরে গিলোন, ধন-সম্পদ আর মংগা মংগা জিনিস নেযান্ আর দেজ ভিদিরে ভালোক্কুন্ মিলেরে রানি বানেয়োন্।

26 তার ধর্মগুরুগুনে মর্ রীদি-সুদোম বিরুদ্ধে কাম্ গরন আর মর্ সুদ্ধো-সাংগ জিনিস্‌চানি অসিজি গরন। যিয়েনি সিজি আর যিয়েনি সিজি নয় তারা সিয়েনি এক গুরি ফেলান্; তারা সিজি আর অসিজি ভিদিরে যে ফারক্কান্ আঘে সে পৌইদ্যেনে শিক্ষ্যে ন-দুয়োন্ আর মর্ জিরেবার দিনুন পালানা পৌইদ্যেনে চোগ্‌‌‌‌‌‌‌‌‌‌‌কুন নাঢি রাগান্। ইয়েনত্ তারা ভিদিরে মঅ নাঙানর্ পবিত্রতাগান বর্‌‌‌‌‌‌‌‌‌‌‌‌বাত্ অর্।

27 হোক্ক্যে বাঘে যেবাবোত্যেগুরি শিগের্ গরন সেবাবোত্যেগুরি সিদুগোর্ রাজার চাগরুনে লো ঝরান্ আর অন্যেয় গুরি পেবাত্তে মানুচ্ খুন গরন্।

28 মিজে দর্শন আর মিজে গোণা-পড়ালোই তারার্ ভাববাদীগুনে তারার্ সেই কামানি উগুরে চিবিদি গুলোন্। লগেপ্রভু ন-কলেয়ো তারা কন্, প্রভু লগেপ্রভু এ কধাগান কোইয়্যে।

29 দেজ মানুচ্চুনে অত্যেচার আর ডাগেত্ গরন্; তারা নাঢা আর অভাবীগুনো উগুরে অন্যেয় গরন আর ন্যায়বিচের্ ন-গুরিনে বিদেশীগুনো উগুরে অত্যেচার গরন্।

30 “মুই তারা ভিদিরে এমন এক্কো মান্‌‌‌‌‌‌‌‌‌‌‌‌‌জ্যরে তোগেলুং, যে দেবালান্ তুলি দিবো আর দেজর্ তপ্পে ওইনে দেবাল ফাগ ভিদিরে মঅ মুজুঙোত্ থিয়্যেব যেনে মত্তুন্ দেজ্‌‌‌‌‌‌‌‌‌‌‌‌‌‌চান ভস্ত গরা ন-পড়ে, মাত্তর্ কাররে ন-পেলুং।

31 সেনত্তে মঅ রাগ্‌‌‌‌‌‌‌‌‌‌‌‌‌‌‌কান মুই তারা উগুরে ঢালি দিম আর তারার আচার-বেবহারর ফল তারা মাঢা উগুরে লামেই দিইনে মর্ জোল্‌‌‌‌‌‌‌‌‌‌‌‌‌‌‌জোল্যে রাগে মুই তারারে পুড়ি ফেলেম। মুই প্রভু লগেপ্রভু এ কধাগান কঙর্।”

Copyright © 2021 Bangladesh Bible Society

Bangladesh Bible Society
Lean sinn:



Sanasan