১ বংশধর 7 - Chakma Bibleইষাখর বংশগুনো-নাঙানি 1 ইষাখরর চের্বো পুয়ো- তোলয়, পূয়, যাশূব আর শিম্রোণ। 2 তোলয় পুয়োগুন অলঅ উষি, রফায়, যিরীয়েল, যহময়, যিব্সম আর শমূয়েল। ইগুনে নিজোর্ নিজোর্ বংশর নেতা এলাক্। দায়ূদ রাজাগিরি সময়োত্ তোলয় বংশর যিদুক্কুন্ মান্জ্যরে যোদ্ধা ইজেবে বংশ-নাঙানিত্ নাঙ্ লেগা ওইয়্যে তারা জনেদি এলাক্ বেইশ্ আজার্ ছয়শ জন। 3 উষির এক্কো পুয়োর্ নাঙ্ অলদে যিষ্রাহিয়। যিষ্রাহিয় পুয়োগুন অলাক্ মীখায়েল, ওবদিয়, যোয়েল আর যিশিয়। যিষ্রাহিয় সুমুত্তো ইগুনে পাচজন বংশর নেতা এলাক্। 4 তারার্ বো আর ঝি-পুয়ো ভালোক্কুন্ বাড়িলাক; সেনত্তে তারা বংশর-নাঙানি ইজেব্ মজিম্ যুদ্ধো গুরিবাত্তে যুক্কোল্ ওইয়্যে মানুচ্চুন জনেদি এলাক্কে ছত্রিশ আজার্। 5 ইষাখর-গুট্টির পুরো বংশগুনো ভিদিরে বেক্কুনে সাত্তাশি আজার্ যোদ্ধার নাঙ্ বংশ-নাঙানিত্ লেগা ওইয়্যে। বিন্যামীন বংশগুনো-নাঙানি 6 বিন্যামীনর তিন্নো পুয়ো অলাক্ বেলা, বেখর আর যিদীয়েল। 7 বেলার পাচ্ছুয়ো পুয়ো অলাক্ ইষ্বোণ, উষি, উষীয়েল, যিরেমোৎ আর ঈরী। ইগুনে এলাক্ নিজোর্ নিজোর্ বংশর্ নেতা। তারা বংশ-নাঙানিত্ বেইশ্ আজার্ চৌত্রিশ জন মান্জ্যর্ নাঙ্ যোদ্ধা ইজেবে লেগা ওইয়্যে। 8 বেখর পুয়োগুন অলাক্ সমীরাঃ, যোয়াশ, ইলীয়েষর, ইলিয়ো-ঐনয়, অম্রি, যিরেমোৎ, অবিয়, অনাথোৎ আর আলেমৎ। 9 তারা বংশ-নাঙানিত্ নেতাগুনোর্ নাঙানি আর কুড়ি আজার্ দ্বিশঅ জন যোদ্ধার্ নাঙানি লেগা ওইয়্যে। 10 যিদীয়েলর এক্কো পুয়ো নাঙ্ বিল্হন। বিল্হন পুয়োগুন অলাক্ যিয়ূশ, বিন্যামীন, এহূদ, কনানা, সেথন, তর্শীশ আর অহীশহর। 11 যিদীয়েল বংশর এ মানুচ্চুন এলাক্ বংশর নেতা আর বীর যোদ্ধা। তারার সতর আজার্ দ্বিশত্ মানুচ্ যুদ্ধোত্ যেবাত্তে যুক্কোল্ এলাক্। 12 শুপ্পীম আর হুপ্পীম অলাক্কে ঈরর পুয়ো আর হূশীম অলদে অহের পুয়ো। নপ্তালি বংশগুনো-নাঙানি 13 নপ্তালি পুয়োগুন অলাক্ যহসিয়েল, গূনি, যেৎসর আর শল্লুম। ইগুনোর বাপ্পোর্ মাবো নাঙান্ এলদে বিল্হা। মনঃশি বংশগুনো-নাঙানি 14 মনঃশি পুয়োগুন অলাক্ অস্রীয়েল আর গিলিয়দ বাপ্পো মাখীর। মনঃশি অরামীয় লাঙোর্ পেদত্ ইগুনোর্ জর্ম ওইয়্যে। 15 মাখীর হুপ্পীম আর শুপ্পীমত্তে বো আন্যে। মাখীরো বোন্নোর নাঙান্ এলদে মাখা। মনঃশি বংশ আর এক্কো মানুচ্ এলঅ সলফাদ। তার্ বেক্কুন্ ঝি এলাক্। 16 মাখীরো মোক্ মাখার পেদত্ পেরশ নাঙে এক্কো পুয়ো জর্ম ওইয়্যে। তা ভেইবোর্ নাঙান্ এলদে শেরশ আর তা পুয়োগুনো নাঙানি এলদে ঊলম আর রেকম। 17 ঊলমর এক্কো পুয়ো নাঙ্ বদান। ইগুনে এলাক্ গিলিয়দ বংশর মানুচ্। গিলিয়দ মাখীরো পুয়ো আর মাখীর মনঃশি পুয়ো। 18 গিলিয়দ বোন হম্মোলেকতর পুয়োগুন অলাক্ ঈশ্হোদ, অবীয়েষর আর মহলা। 19 শমীদা পুয়োগুন অলাক্ অহিয়ন, শেখম, লিক্হি আর অনীয়াম। ইফ্রয়িম বংশগুনো-নাঙানি 20 ইফ্রয়িমর এক্কো পুয়ো নাঙ্ এলদে শূথেলহ, শূথেলহ পুয়ো বেরদ, বেরদ পুয়ো তহৎ, তহত পুয়ো ইলিয়াদা, ইলিয়াদা পুয়ো তহৎ, 21 তহত পুয়ো সাবদ আর সাবদ পুয়ো শূথেলহ। ইফ্রয়িমর আরঅ দ্বিবে পুয়ো নাঙানি অলঅ এৎসর আর ইলিয়দ। দেজত্ জোর্মেয়্যে গাত মানুচ্চুনো আদত্ তারা মারা পোজ্যন্, কিত্তে তারা গাতীয়গুনো এ্যামানুন্ চুর্ গুরিবাত্তে গাতদ্ যেইয়োন্। 22 তারা বাপ্পো ইফ্রয়িমে ভালোক্ দিন সং তারাত্তে আবিলেচ্ খেইয়্যে। তা কুদুম্মোগুনে তারে বুজেবাত্তে এচ্ছ্যন্। 23 ইয়েন পরেন্দি তে মোক্কো সমারে থেলে তা মোক্কো পিদিলী অলঅ আর এক্কো পুয়ো জর্ম অলঅ। ইফ্রয়িমে তা নাঙান্ রাগেল বরীয়, কিত্তে তা পরিলম্বরত্ সেক্কে অমংগল লামি এলঅ। 24 তা ঝিবো নাঙান্ অলদে শীরা। শীরা উগুরে আর তলেদি বৈৎ-হোরোণ আর উষেণ-শীরা আদামান্ বানেয়্যে। 25 বরীয় পুয়ো রেফহ, রেফহ পুয়ো রেশফ, রেশফ পুয়ো তেলহ, তেলহ পুয়ো তহন, 26 তহন পুয়ো লাদন, লাদন পুয়ো অম্মীহূদ, অম্মীহূদ পুয়ো ইলীশামা, 27 ইলীশামা পুয়ো নূন আর নূন পুয়ো যিহোশূয়। 28 বৈথেল আর তা চেরোকিত্তে আদামানি, পূগেন্দি নারণ, পোজিমেন্দি গেষর আর তার্ চেরোকিত্তে আদামানি এলদে ইফ্রয়িম ভূই জোবিন্ আর থেবারঘর। ইয়েনিবাদে শিখিম আর তা আদামানিত্তুন্ অয়া আর তা আদামানি সং এলদে তারা চাগালা। 29 মনঃশি দুযি সং বৈৎশান, তানক, মগিদ্দো, দোর আর ইয়েনি চেরোকিত্তে বেক্ আদামানিয়ো তারার্। ইস্রায়েল পুয়ো যোষেফ বংশধরুনে এ শঅরানিত্ আর আদামানিত্ বজত্তি গুরিদাক্। আশের বংশগুনো-নাঙানি 30 আশের পুয়োগুন অলাক্ যিম্ন, যিশ্বাঃ, যিশ্বী আর বরীয়। সেরহ অলঅ তারার বোন। 31 বরীয় পুয়োগুন অলাক্ হেবর আর মল্কীয়েল। মল্কীয়েল অলদে বির্ষোতর বাপ। 32 হেবর পুয়োগুন অলাক্ যফ্লেট, শোমর আর হোথম। শূয়া অলদে তারার্ বোন। 33 যফ্লেট পুয়োগুন অলাক্ পাসক, বিম্হল আর অশ্বৎ। 34 শেমর পুয়োগুন অলাক্ অহি, রোগহ, যিহুব্ব আর অরাম। 35 শেমর ভেই হেলম পুয়োগুন অলাক্ শোফহ, যিম্ন, শেলশ আর আমল। 36 শোফহ পুয়োগুন অলাক্ সূহ, হর্ণেফর, শূয়াল, বেরী, যিম্র, 37 বেৎসর, হোদ, শম্ম, শিল্শ, যিত্রণ আর বেরা। 38 যেথর পুয়োগুন অলাক্ যিফুন্নি, পিস্প আর অরা। 39 উল্লে পুয়োগুন অলাক্ আরহ, হন্নীয়েল আর রিৎসিয়। 40 আশের-গুট্টির এ মানুচ্চুনে এলাক্ নিজোর্ নিজোর্ বংশর নেতা। ইগুনে পত্তিজনে এলাক্ বেই লোইয়্যে বোলী যোদ্ধা আর আজল্ নেতা। আশের বংশ-নাঙানিত্ লেখ্যে মানুচ্চুনো ভিদিরে যুদ্ধোত্ যেবাত্তে যুক্কোল্ ওইয়্যে মানুচ্চুন্ অলাক্ ছাব্বিশ আজার্। |
Copyright © 2021 Bangladesh Bible Society
Bangladesh Bible Society