১ বংশধর 6 - Chakma Bibleলেবি বংশগুনোর্-নাঙানি 1 লেবি পুয়োগুনে অলাক্ গের্শোন, কহাৎ আর মরারি। 2 কহাত পুয়োগুন অলাক্ অম্রাম, যিষ্হর, হিব্রোণ আর উষীয়েল। 3 অম্রাম পুয়োগুন অলাক্ হারোণ, মোশি আর মরিয়ম। হারোণ পুয়োগুন অলাক্ নাদব, অবীহূ, ইলিয়াসর আর ঈথামর। 4 ইলিয়াসর পুয়ো পীনহস, পীনহস পুয়ো অবিশূয়, 5 অবিশূয় পুয়ো বুক্কি, বুক্কির পুয়ো উষি, 6 উষির পুয়ো সরহিয়, সরহিয়র পুয়ো মরায়োৎ, 7 মরায়োত পুয়ো অমরিয়ি, অমরিয়োর পুয়ো অহীটূব, 8 অহীটূব পুয়ো সাদোক, সাদোকর পুয়ো অহীমাস, 9 অহীমাস পুয়ো অসরিয়, অসরিয়র পুয়ো যোহানন, 10 যোহানন পুয়ো অসরিয়। ইবে যিরূশালেমত্ শলোমনর্ বানেয়্যে তবনা-ঘরত্ ধর্মগুরুর্ কাম্ গুরিদো। 11 অসরিয় পুয়ো অমরিয়, অমরিয়র পুয়ো অহীটূব, 12 অহীটূব পুয়ো সাদোক, সাদোকর পুয়ো শল্লুম, 13 শল্লুম পুয়ো হিল্কিয়, হিল্কিয়র পুয়ো অসরিয়, 14 অসরিয় পুয়ো সরায় আর সরায়র পুয়ো যিহোষাদক। 15 লগেপ্রভু যে সময়ানত্ নবূখদ্নিৎসররে দিইনে যিহূদা আর যিরূশালেম মানুচ্চুনোরে বন্দীদজাত্ পাদেয়্যে সে সময়োত্ যিহোষাদকরেয়ো সিদু পাদেয়্যে। 16 লেবি পুয়োগুন অলাক্ গের্শোন, কহাৎ আর মরারি। 17 গের্শোন পুয়োগুনোর নাঙানি অলঅ লিব্নি আর শিমিয়ি। 18 কহাত পুয়োগুন অলাক্ অম্রাম, যিষ্হর, হিব্রোণ আর উষীয়েল। 19 মরারি পুয়োগুন অলাক্ মহলি আর মূশি। পূরোণি মানুচ্চুনোর বংশ অনুসারে ইগুনো নাঙানি লেবীয়গুনোর বংশ-নাঙানিত্ লেগা ওইয়্যে। 20 গের্শোন পুয়ো লিব্নি, লিব্নি পুয়ো যহৎ, যহত পুয়ো সিম্ম, 21 সিম্ম পুয়ো যোয়াহ, যোয়াহ পুয়ো ইদ্দো, ইদ্দো পুয়ো সেরহ, সেরহ পুয়ো যিয়ত্রয়। 22 কহাতর এক্কো পুয়োর্ নাঙ্ অলদে অম্মীনাদব, অম্মীনাদব পুয়ো কোরহ, কোরহ পুয়ো অসীর, 23 অসীর পুয়ো ইল্কানা, ইল্কানা পুয়ো ইবীয়াসফ, ইবীয়াসফ পুয়ো অসীর, 24 অসীর পুয়ো তহৎ, তহত পুয়ো ঊরীয়েল, ঊরীয়েল পুয়ো ঊষিয়, ঊষিয় পুয়ো শৌল। 25 ইল্কানা পুয়োগুন অলাক্ অমাসয় আর অহীমোৎ, 26 অহীমোত পুয়ো ইল্কানা, ইল্কানা পুয়ো সোফী, সোফীর পুয়ো নহৎ, 27 নহত পুয়ো ইলীয়াব, ইলীয়াব পুয়ো যিরোহম, যিরোহম পুয়ো ইল্কানা আর ইল্কানা পুয়ো শমূয়েল। 28 শমূয়েল পত্তম্ পুয়োবোর নাঙান্ যোয়েল আর দ্বিলম্বর পুয়োবো নাঙান্ অবিয়। 29 মরারি এক্কো পুয়ো নাঙ্ অলদে মহলি, মহলি পুয়ো লিব্নি, লিব্নি পুয়ো শিমিয়ি, শিমিয়ি পুয়ো উষঃ, 30 উষর পুয়ো শিমিয়, শিমিয় পুয়ো হগিয় আর হগিয় পুয়ো অসায়। তবনা-ঘরর্ গানগেইয়্যেগুন আর বাজেয়্যেগুন 31 সাক্ষ্য-সুন্দুক্কো লগেপ্রভুর ঘরত্ আনিনে রাগানার্ পরেন্দি দায়ূদে কয়েক্কো মান্জ্য উগুরে গান-বাজনা ভারান্ দিলো। 32 শলোমনে যিরূশালেমত্ লগেপ্রভুর ঘরান্ ন-বানানা সং সে মানুচ্চুনে থেবার-তাম্বুলো মুজুঙোত্, অত্তাৎ মিলন-তাম্বুলো মুজুঙোত্ গান-বাজনা গুরিনে লগেপ্রভুর সেবা-কামানি গুরিদাক্। তারাত্তে যে সুদোমান ঠিগ্ গুরি দিয়্যে ওইয়্যে সে ইজেবে তারা নিজো কামানি গুরিদাক্। 33 এ সেবা-কামত্ যিদুক্কুন্ মান্জ্যে আর তারা বংশধরুন নেযা ওইয়্যে তারা অলাক্: কহাতীয়গুনো ভিদিরে এলদে গানগেইয়্যে হেমনে। হেমন অলদে যোয়েলর পুয়ো, যোয়েল শমূয়েল পুয়ো, 34 শমূয়েল ইল্কানা পুয়ো, ইল্কানা যিরোহম পুয়ো, যিরোহম ইলীয়েল পুয়ো, ইলীয়েল তোহর পুয়ো, 35 তোহ সূফর পুয়ো, সূফ ইল্কানা পুয়ো, ইল্কানা মাহত পুয়ো, মাহৎ অমাসয় পুয়ো, 36 অমাসয় ইল্কানা পুয়ো, ইল্কানা যোয়েল পুয়ো, যোয়েল অসরিয় পুয়ো, অসরিয় সফনিয়র পুয়ো, 37 সফনিয় তহতর পুয়ো, তহৎ অসীরর পুয়ো, অসীর ইবীয়াসফর পুয়ো, ইবীয়াসফে কোরহর পুয়ো, 38 কোরহ যিষ্হর পুয়ো, যিষ্হর কহাত পুয়ো, কহাৎ লেবি পুয়ো আর লেবি ইস্রায়েল পুয়ো। 39 হেমন কুদুম্মো আসফ আর তার্ গানগেইয়্যে দল্লো হেমন ডেনেন্দি থিয়্যেদাক্। আসফে অলদে বেরিখিয় পুয়ো, বেরিখিয় শিমিয় পুয়ো, 40 শিমিয় মীখায়েল পুয়ো, মীখায়েলে বাসেয় পুয়ো, বাসেয় মল্কিয় পুয়ো, 41 মল্কিয় ইৎনি পুয়ো, ইৎনি সেরহ পুয়ো, সেরহ অদায়া পুয়ো, 42 অদায়া এথন পুয়ো, এথন সিম্মর পুয়ো, সিম্ম শিমিয়ি পুয়ো, 43 শিমিয়ি যহত পুয়ো, যহৎ গের্শোন পুয়ো আর গের্শোন লেবি পুয়ো। 44 তারা কুদুম্মোগুন, অত্তাৎ মরারীয় গানগেইয়্যে দল্লো হেমন বাঙেন্দি থিয়্যেদাক্। এথনে অলদে কীশির পুয়ো, কীশি অব্দির পুয়ো, অব্দি মল্লুক পুয়ো, 45 মল্লুক হশবিয় পুয়ো, হশবিয় অমৎসিয় পুয়ো, অমৎসিয় হিল্কিয় পুয়ো, 46 হিল্কিয় অম্সি পুয়ো, অম্সি বানির পুয়ো, বানি শেমর পুয়ো, 47 শেম মহলি পুয়ো, মহলি মূশি পুয়ো, মূশি মরারি পুয়ো আর মরারি লেবি পুয়ো। 48 তারা কুদুম্মো অন্য লেবীয়গুনে থেবার-তাম্বুলোত্, অত্তাৎ গোজেন ঘরর্ অন্য বেক্ কামত্ নেযা ওইয়্যে। 49 মাত্তর্ হারোণ আর তা বংশর মানুচ্চুনে গোজেন চাগর্ মোশির বেক্ উগুম মজিম্ পূজ্যে-উৎসর্ব ডালি আর আগর্বাট্টি-পূজো উগুরে উৎসর্ব অনুষ্ঠানানি গুরিদাক্ আর দাঙর্ সুদ্ধো-সাংগ জাগানিত্ যিয়েনি গুরিবার দরকার্ সিয়েনি গুরিদাক্ আর ইস্রায়েল জাদ পাপ্পানি ঢাগি দিবার্ বেবস্থা গুরিদাক্। 50 হারোণর্ এক্কো পুয়ো নাঙ্ অলদে ইলিয়াস, ইলিয়াসর পুয়ো পীনহস, পীনহস পুয়ো অবীশূয়, 51 অবীশূয় পুয়ো বুক্কি, বুক্কির পুয়ো উষি, উষি পুয়ো সরাহিয়, 52 সরাহিয় পুয়ো মরায়োৎ, মরায়োত পুয়ো অমরিয়, অমরিয় পুয়ো অহীটূব, 53 অহীটূব পুয়ো সাদোক আর সাদোক পুয়ো অহীমাস। 54-59 কহাতীয় হারোণ বংশর মানুচ্চুনোত্তে পত্তম্ চাম্বা চাহ্ ওইয়্যে বিলিনে থেবার্ ঘর্ ইজেবে যেদক্কানি শঅর্ আর আদাম তারার্ ভাগত্ পোজ্যে সিয়েনি ভিদিরে এলদে যিহূদা-চাগালার্ জিরেবার-শঅর্ হিব্রোণ আর সিয়েনর্ চেরোকিত্তে য়েমান চোড়েবার্ বামান্। মাত্তর্ শঅর চেরোকিত্তে ক্ষেতখেত্তি-খামার আর আদামানি দিয়্যে ওইয়্যে যিফুন্নির পুয়ো কালেবরে। ইয়েনিবাদে হারোণ বংশর মানুচ্চুনোরে দিয়্যে ওইয়্যে লিব্না, যত্তীর, ইষ্টিমোয়, হিলেন, দবীর, আশন, বৈৎশেমশ আর ইয়েনির চেরোকিত্তে য়েমান চোড়েবার্ বামান্। 60 বিন্যামীন-গুট্টির জাগাত্তুন্ তারারে দিয়্যে অলদে গেবা, আলেমৎ, অনাথোৎ আর ইয়েনি চেরোকিত্তে য়েমান চোড়েবার্ বামন্। বেক্কানিয়ে তেরগান্ শঅর্ আর আদাম কহাতীয় বংশগুনো ভিদিরে ভাগ গুরি দিয়্যে অলঅ। 61 মনঃশি-গুট্টির অদ্দেক্ মান্জ্য চাগালাত্তুন্ দশছান্ শঅর্ আর আদাম লটারী ইজেবে কহাতর বাদবাগি বংশর মানুচ্চুনোরে দিয়্যে অলঅ। 62 বংশ অনুসারে গের্শোন বংশর মানুচ্চুনোরে দিয়্যে অলঅ ইষাখর, আশের, নপ্তালি আর বাশন মনঃশি-গুট্টির চাগালাত্তুন্ তেরগান্ শঅর্ আর আদাম। 63 রূবেণ, গাদ আর সবূলূন-গুট্টির চাগালাত্তুন্ চাম্বা চেইনে বারগান শঅর্ আর আদাম বংশ অনুসারে মরারি বংশ মানুচ্চুনোরে দিয়্যে অলঅ। 64 এধোক্ক্যেন গুরিনে ইস্রায়েলীয়গুনে এ বেক্ শঅরানি আর আদামানি আর সে জাগার্ য়েমান চোড়েবার্ বামানি লেবীয়গুনোরে দিয়্যে অলঅ। 65 যিহূদা, শিমিয়োন আর বিন্যামীন-গুট্টির চাগালাত্তুন্ যেদক্কানি শঅর্ আর আদাম নাঙানি কুয়্যা ওইয়্যে সিয়েনিয়ো চাম্বা চেইনে দিয়্যে ওইয়্যে। 66 কয়েক্কো কহাতীয় বংশরে ইফ্রয়িম-গুট্টির চাগালাত্তুন্ কয়েক্কান্ শঅর্ আর আদাম দিয়্যে ওইয়্যে। 67-69 ইফ্রয়িমর মুড়োমুড়ি চাগালাত্তুন্ জিরেবার-শঅর্ শিখিম, গেষর, যক্মিয়াম, বৈৎ-হোরণ, অয়ালোন আর গাৎ-রিম্মোণ আর ইয়েনি চেরোকিত্তে য়েমান চোড়েবার্ বামানি তারারে দিয়্যে অলঅ। 70 ইয়েনিবাদেয়ো মনঃশি-গুট্টির অদ্দেক্ মান্জ্য চাগালাত্তুন্ আনের আর বিল্য়ম আর সিয়েনি চেরোকিত্তে য়েমান চোড়েবার্ বামানি কহাতর্ বাদবাগি বংশগুনোরে দিয়্যে অলঅ। 71 গের্শোনীয়গুনে মনঃশি-গুট্টির অদ্দেক্ মান্জ্য চাগালাত্তুন্ য়েমান চোড়েবার্ বামানি সহ বাশনর গোলন আর অষ্টারোৎতান্ পেলাক্। 72-73 তারা ইষাখর-গুট্টির চাগালাত্তুন্ পেলাক্ কেদশ, দাবরৎ, রামোৎ, আনেম আর ইয়েনি চেরোকিত্তে য়েমান চোড়েবার্ বামানি। 74-75 আশের-গুট্টির চাগালাত্তুন্ তারা য়েমান চোড়েবার বামানি সুমুত্তো মশাল, আব্দোন, হূকোক আর রহোবপান্ পেলাক্। 76 নপ্তালি-গুট্টির চাগালাত্তুন্ পেলাক্ য়েমান চোড়েবার্ বামানি সুমুত্তো গালীলোর কেদশ, হম্মোন আর কিরিয়াথয়িম। 77 বাদবাগি লেবীয়গুনে, অত্তাৎ মরারীয়গুনে সবূলূন-গুট্টির চাগালাত্তুন্ য়েমান চোড়েবার্ বামানি সুমুত্তো রিম্মোণ আর তাবোর জাগায়ান্ পেলাক্। 78-79 তারা যিরীহোর পূগেন্দি যর্দন উইপারত্ রূবেণ-গুট্টির চাগালাত্তুন্ ধূল্যেচর-চাগালার্ বেৎসর, যাহসা, কদেমোৎ, মেফাৎ আর ইয়েনি চেরোকিত্তে য়েমান চোড়েবার্ বামানি পেলাক্। 80-81 তারা গাদ-গুট্টির চাগালাত্তুন্ পেলাক্ গিলিয়দ রামোৎ, মহনয়িম, হিষ্বোণ, যাসের আর ইয়েনি চেরোকিত্তে য়েমান চোড়েবার্ বামানি। |
Copyright © 2021 Bangladesh Bible Society
Bangladesh Bible Society