১ বংশধর 25 - Chakma Bibleগান-বাজনার্ দল 1 তবনা-ঘরর্ সেবা-কামানি গুরিবাত্তে দায়ূদ আর সৈন্যদল সেনাপতিগুনে আসফ, হেমন আর যিদূথূন পুয়োগুনোরে ফারক্ গুরি নেযেলাক্ যেনে তারা হারমনি, বাশি আর ঝোন্ঝোনি লগে গানর্ মাধ্যমে গোজেন কধানি ফগদাং গুরি পারন্। যিগুনে এ কামান্ গুরিদাক্ তারা নাঙানি ইয়েনি: 2 আসফর পুয়ো সক্কুর, যোষেফ, নথনিয় আর অসারেল। তারা রাজার্ উগুমে আসফর পরিচালনায় গানর মাধ্যমে গোজেন কধানি ফগদাঙ্ গুরিদাক্। 3 যিদূথূনর ছঅ জন পুয়ো গদলিয়, সরী, যিশায়াহ, শিমিয়ি, হশবিয় আর মত্তিথিয়। তারা তারার্ বাপ্পো যিদূথূন পরিচালনায় হারমনি বাজেইনে লগেপ্রভুরে নাঙ্ গিনেনা আর ভালেদি জানানার্ মাধ্যমে তা কধানি ফগদাঙ্ গুরিদাক্। 4 হেমন পুয়ো বুক্কিয়, মত্তনিয়, উষীয়েল, শবূয়েল, যিরীমোৎ, হনানিয়, হনানি, ইলীয়াথা, গিদ্দল্তি, রোমাম্তী-এষর, যশ্বকাশা, মল্লোথি, হোথীর আর মহসীয়োৎ। 5 ইগুনে বেক্কুনে অলাক্ রাজার দর্শক হেমন পুয়ো। গোজেন এগেম্ মজিম হেমনরে খেমতাবলা গুরিবাত্তে গোজেনে তারে চোদ্দোবো পুয়ো আর তিন্নো ঝি দিলো। 6 গোজেন ঘরর সেবা-কামত্তে ইগুনে বেক্কুনে তারার্ বাব্ আসফ, যিদূথূন আর হেমন পরিচালনার্ অধীনোত্ এলাক্। তারা রাজার উগুমে ঝোন্ঝোনি, বাশি আর হার্মোনিলোই লগেপ্রভুর ঘরত্ গান-বাজনা গুরিদাক্। 7 লগেপ্রভুর নাঙে তারা বংশর গান-বাজনায় শিক্ষিত আর কাবিল্ মানুচ্চুনোরে নেযেইনে তারা জনেন্দি অলাক্ দ্বিশঅ আট্টাশি জন। 8 পুয়ো-বুড়ো, মাস্তর-ছাত্র বেক্কুনোর্ কামর্ পালাগান চাম্বা চেইনে ঠিগ্ গরা অলঅ। 9 আসফ পক্ষেন্দি পত্তম বারত্ চাম্বা চেইনে যোষেফ নাঙান্ উদিলো। দ্বিলম্বরত্ চাম্বাত্ উদিলো গদলিয় নাঙান্; তে, তার্ কুদুম্মো আর পুয়োগুনে সহ অলাক্ বারজন। 10 তিন্ লম্বরত্ চাম্বাত্ উদিলো সক্কুর নাঙান্; তে, তার্ পুয়োগুন আর কুদুম্মোগুন মিলিনে অলাক্ বারজন। 11 চের্ লম্বরত্ চাম্বাত্ উদিলো যিষ্রির নাঙান্; তে, তার্ পুয়োগুন আর কুদুম্মোগুন মিলিনে অলাক্ বারজন। 12 পাজ্লম্বরত্ চাম্বাত্ উদিলো নথনিয় নাঙান্; তে, তার্ পুয়োগুন আর কুদুম্মোগুন মিলিনে অলাক্ বারজন। 13 ছয় লম্বরত্ চাম্বাত্ উদিলো বুক্কিয় নাঙান্; তে, তার্ পুয়োগুন আর কুদুম্মোগুন মিলিনে অলাক্ বারজন। 14 সাত্ লম্বরত্ চাম্বাত্ উদিলো যিমারেলার নাঙান্; তে, তার্ পুয়োগুন আর কুদুম্মোগুন মিলিনে অলাক্ বারজন। 15 আস্তো লম্বরত্ চাম্বাত্ উদিলো যিশয়াহর নাঙান্; তে, তার্ পুয়োগুন আর কুদুম্মোগুন মিলিনে অলাক্ বারজন। 16 নয় লম্বরত্ চাম্বাত্ উদিলো মত্তনিয়র নাঙান্; তে, তার্ পুয়োগুন আর কুদুম্মোগুন মিলিনে অলাক্ বারজন। 17 দশ লম্বরত্ চাম্বাত্ উদিলো শিমিয়ির নাঙান্; তে, তার্ পুয়োগুন আর কুদুম্মোগুন মিলিনে অলাক্ বারজন। 18 এগার লম্বরত্ চাম্বাত্ উদিলো অসারেলর নাঙান্; তে, তার্ পুয়োগুন আর কুদুম্মোগুন মিলিনে অলাক্ বারজন। 19 বার লম্বরত্ চাম্বাত্ উদিলো হশবিয়র নাঙান্; তে, তার্ পুয়োগুন আর কুদুম্মোগুন মিলিনে অলাক্ বারজন। 20 তের লম্বরত্ চাম্বাত্ উদিলো শবূয়েলর নাঙান্; তে, তার্ পুয়োগুন আর কুদুম্মোগুন মিলিনে অলাক্ বারজন। 21 চোদ্দো লম্বরত্ চাম্বাত্ উদিলো মত্তিথিয়র নাঙান্; তে, তার্ পুয়োগুন আর কুদুম্মোগুন মিলিনে অলাক্ বারজন। 22 পনর লম্বরত্ চাম্বাত্ উদিলো যিরেমোতর নাঙান্; তে, তার্ পুয়োগুন আর কুদুম্মোগুন মিলিনে অলাক্ বারজন। 23 ষুলো লম্বরত্ চাম্বাত্ উদিলো হনানিয়র নাঙান্; তে, তার্ পুয়োগুন আর কুদুম্মোগুন মিলিনে অলাক্ বারজন। 24 সতর লম্বরত্ চাম্বাত্ উদিলো যশ্বকাশার নাঙান্; তে, তার্ পুয়োগুন আর কুদুম্মোগুন মিলিনে অলাক্ বারজন। 25 আদার লম্বরত্ চাম্বাত্ উদিলো হনানির নাঙান্; তে, তার্ পুয়োগুন আর কুদুম্মোগুন মিলিনে অলাক্ বারজন। 26 উনেশ্ লম্বরত্ চাম্বাত্ উদিলো মল্লোথির নাঙান্; তে, তার্ পুয়োগুন আর কুদুম্মোগুন মিলিনে অলাক্ বারজন। 27 কুড়ি লম্বরত্ চাম্বাত্ উদিলো ইলীয়াথার নাঙান্; তে, তার্ পুয়োগুন আর কুদুম্মোগুন মিলিনে অলাক্ বারজন। 28 এগোশ্ লম্বরত্ চাম্বাত্ উদিলো হোথীর নাঙান্; তে, তার্ পুয়োগুন আর কুদুম্মোগুন মিলিনে অলাক্ বারজন। 29 বেইশ্ লম্বরত্ চাম্বাত্ উদিলো গিদ্দল্তির নাঙান্; তে, তার্ পুয়োগুন আর কুদুম্মোগুন মিলিনে অলাক্ বারজন। 30 তেইশ্ লম্বরত্ চাম্বাত্ উদিলো মহসীয়োতর নাঙান্; তে, তার্ পুয়োগুন আর কুদুম্মোগুন মিলিনে অলাক্ বারজন। 31 চব্বিশ লম্বরত্ চাম্বাত্ উদিলো রোমাম্তী-এষরর নাঙান্; তে, তার্ পুয়োগুন আর কুদুম্মোগুন মিলিনে অলাক্ বারজন। |
Copyright © 2021 Bangladesh Bible Society
Bangladesh Bible Society