১ বংশধর 2 - Chakma Bibleইস্রায়েল পুয়োগুন 1 ইস্রায়েলর পুয়োগুনে অলাক্ রূবেণ, শিমিয়োন, লেবি, যিহূদা, ইষাখর, সবূলূন, 2 দান, যোষেফ, বিন্যামীন, নপ্তালি, গাদ আর আশের। যিহূদার বংশগুনোর্ নাঙানি 3 যিহূদার্ পুয়োগুনে অলাক্ এর, ওনন আর শেলা। এ তিনজনে এলাক্ বৎ-শূয়ার পেদ পুয়ো। বৎ-শূয়া এলদে এক্কো কনানীয় মিলে। ইবের্ নাঙে যিহূদার দাঙর্ পুয়োবো লগেপ্রভুর চোগেন্দি পাজি অনায় তে তারে মারে ফেলেল। 4 যিহূদা পূদবো তামরর্ পেদত্ যিহূদার পুয়ো পেরস আর সেরহর জর্ম ওইয়্যে। যিহূদার বেক্কুনে পাচছুয়ো পুয়ো এলাক্। 5 পেরস পুয়োগুনে অলাক্ হিষ্রোণ আর হামূল। 6 সেরহ পুয়োগুনে অলাক্ শিম্রি, এথন, হেমন, কল্কোল আর দারা। ইগুনে বেক্কুনে পাচজন এলাক্। 7 শিম্রি নাদিন, অত্তাৎ কর্মির পুয়ো অলদে আখন, যিবের্ আর এক্কান্ নাঙ্ এলদে আখর, তে ভস্ত গুরিবাত্তে ঠিগ্ গুরি রাগেয়্যে পযাপিরানিলোই ইস্রায়েলর উগুরে দযা ডাগি আন্যে। 8 এথন এক্কো পুয়োর্ নাঙ্ এলদে অসরিয়। 9 হিষ্রোণ পুয়োগুনে অলাক্ যিরহমেল, রাম আর কালুবায়। 10 রাম পুয়ো অলদে অম্মীনাদব। অম্মীনাদবর পুয়ো অলদে নহশোন; তে যিহূদা-গুট্টির নেতা এলঅ। 11 নহশোন পুয়ো সল্মোন আর সল্মোনর পুয়ো বোয়স; 12 বোয়স পুয়ো ওবেদ আর ওবেদের পুয়ো যিশয়। 13 যিশয় দাঙর্ পুয়োবো অলদে ইলীয়াব, দ্বিলম্বর অবীনাদব, তিন লম্বর শম্ম, 14 চের্ লম্বর নথনেল, পাচ্ লম্বর রদ্দয়, 15 ছয় লম্বর ওৎসম আর সাত লম্বর দায়ূদ। 16 তারা বোনুন্ অলাক্ সরূয়া আর অবীগল। অবীশয়, যোয়াব আর অসাহেল এলদে সরূয়ার তিনজন পুয়ো। 17 অবীগলে এলদে অমাসার মা, আর ইশ্মায়েলীয় যেথর এলদে অমাসার বাপ। 18 হিষ্রোণ পুয়ো কালুবায়ের মোক্ অসূবার পেদত্ আর যিরিয়োতর পেদত্ ঝি-পুয়ো ওইয়োন। অসূবার পুয়োগুনে অলাক্ যেশর, শোবব আর অর্দোন। 19 অসূবা মুরি যানার্ পরেন্দি কালুবায় ইফ্রাথারে ললঅ। ইফ্রাথার পেদত্ হূরোর্ জর্ম ওইয়্যে। 20 হূরো পুয়ো ঊরি আর ঊরির পুয়ো বৎসলেল। 21 পরেন্দি হিষ্রোণে ষায়েট বজর বয়জত্ মাখীরোর ঝিবোরে, অত্তাৎ গিলিয়দ বোন্নোরে লোইনে এক সমারে থেলাক। সে মোক্কো পেদত্ সগূবে জর্ম অলঅ। 22-23 সগূব পুয়োবোর্ নাঙান্ যায়ীর। সগূব আর যায়ীর অলাক্ গিলিয়দের বাপ্পো মাখীরের বংশর মানুচ্। গিলিয়দ চাগালার যায়ীরের অধীনোত্ তেইশছান্ আদাম এলঅ। মাত্তর্ গশূর আর অরামে এইনে হব্বৎ-যায়ীর, কনাৎ আর তার্ চেরোকিত্তে আদামানি, অত্তাৎ ষায়েটতান্ আদাম্ গজক্ গুরি নেযেলাক্। 24 হিষ্রোণ কালেব-ইফ্রাথায় মুরি যানার পরেন্দি তার্ মোক্ অবিয়ার পেদত্ তা পুয়োবো অসহূর জর্ম ওইয়্যে। অসহূর তকোয় নাঙে এক্কান্ আদাম বানেয়্যে। 25 হিষ্রোণ দাঙর্ পুয়োবো অলদে যিরহমেল আর যিরহমল দাঙর্ পুয়োবো অলদে রাম; সে পরেন্দি বূনা, ওরণ, ওৎসম আর অহিয়ো জর্ম ওইয়্যে। 26 অটারা নাঙে যিরহমল আর এক্কো মোক্ এলঅ। তা পুয়োবো নাঙান্ ওনম। 27 যিরহমল দাঙর্ পুয়ো রামর পুয়োগুন্ অলাক্ মাষ, যামীন আর একর। 28 ওনম পুয়োগুনে অলাক্ শম্ময় আর যাদা। শম্ময়র পুয়োগুন অলাক্ নাদব আর অবীশূর। 29 অবীশূর মোক্কো নাঙান্ এলদে অবীহয়িল। তা পেদত্ অহবান আর মোলীদোর জর্ম ওইয়্যে। 30 নাদব পুয়োগুনে অলাক্ সেলদ আর অপ্পয়িম। সেলদ কনঅ ঝি-পুয়ো ন-রাগেইনে মুরি গেলঅ। 31 অপ্পয়িমোর পুয়ো যিশী, যিশীর পুয়ো শেশন আর শেশনর পুয়ো অহলয়। 32 শম্ময় ভেই যাদার পুয়োগুনে অলাক্ যেথর আর যোনাথন। যেথরে কনঅ পুয়ো-ছা নেই গুরি মুরি গেলঅ। 33 যোনাথন পুয়োগুনে অলাক্ পেলৎ আর সাসা। ইগুনে অলাক্ যিরহমল বংশ। 34 শেশন বানা ঝি এলাক্, কনঅ পুয়ো ন-এলাক্। যার্হা নাঙে শেশন এক্কো মিসরীয় চাগর্ এলঅ। 35 শেশনে তা চাগর্ যার্হা সমারে তা এক্কো ঝিরে বৌ দিলো আর সে ঝিবো পেদত্ অত্তয়র জর্ম ওইয়্যে। 36 অত্তয় পুয়ো নাথন, নাথন পুয়ো সাবদ, 37 সাবদ পুয়ো ইফ্লল, ইফ্ললর পুয়ো ওবেদ, 38 ওবেদ পুয়ো যেহূ, যেহূর পুয়ো অসরিয়, 39 অসরিয়ো পুয়ো হেলস, হেলসর পুয়ো ইলীয়াসা, 40 ইলীয়াসা পুয়ো সিস্ময়, সিস্ময়র পুয়ো শল্লুম, 41 শল্লুমো পুয়ো যিকমিয় আর যিকমিয়ো পুয়ো ইলীশামা। 42 যিরহমলর্ ভেই কালুবায় পুয়োগুনো ভিদিরে মেশা এলদে দাঙর্। মেশার পুয়ো সীফ, সীফ পুয়ো মারেশা আর মারেশা পুয়ো হিব্রোণ। 43 হিব্রোণ পুয়োগুনে এলাক্ কোরহ, তপূহ, রেকম আর শেমা। 44-45 শেমা পুয়ো রহম, রহম পুয়ো যর্কিয়ম। রেকম পুয়ো শম্ময়, শম্ময় পুয়ো মায়োন আর মায়োন পুয়ো বৈৎ-সূর। 46 কালুবায় লাঙো ঐফার পেদত্ হারণ, মোৎসা আর গাসেস জর্ম ওইয়্যে। হারণ পুয়োবো নাঙানঅ গাসেস রাগা ওইয়্যে। 47 যেহদয় পুয়োগুন অলাক্ রেগম, যোথম, গেসন, পেলট, ঐফা আর শাফ। 48-49 কালুবায় লাঙো মাখার পেদত্ শেবর, তির্হনঃ, শাফ আর শিবার জর্ম ওইয়্যে। শাফ মদ্মন্না নাঙে এক্কান্ আদাম বানেয়্যে আর শিবা বানেয়্যে মক্বেনা আর গিবিয়া আদাম। কালেবর ঝিবো নাঙান্ এলদে অক্ষা। 50 ইবে অলঅ কালেব বংশর কধা : ইফ্রাথা দাঙর্ পুয়ো হূর পুয়োগুনে অলাক্ শোবল, শল্ম আর হারেফ। শোবল কিরিয়ৎ যিয়ারীম নাঙে এক্কান্ আদাম বানেয়্যে; 51 শল্ম বানেয়্যেদে বৈৎলেহম আদামান আর হারেফ বানেয়্যেদে বৈৎ-গাদের আদামান। 52-53 কিরিয়ৎ-যিয়ারীম যে বানেয়্যে সে শোবল বংশর মানুচ্চুনে অলাক্ হরোয়া, মনূহোতীয়গুনোর অদ্দেক্ মানুচ্ আর কিরিয়ৎ-যিয়ারীমোর আদাম্মেগুন। কিরিয়ৎ-যিয়ারীমোর আদাম্মেগুন অলাক্ যিত্রীয়, পূথীয়, শূমাথীয় আর মিশ্রায়ীয়োগুন। ইগুনোত্তুন্ সরাথীয় আর ইষ্টায়োলীয় বংশর জর্ম ওইয়্যে। 54-55 শল্ম বংশর মানুচ্চুন অলাক্ বৈৎলেহম মানুচ্চুন, নটোফাতীয়োগুন, অট্রোৎ-বৈৎ-যোয়াবর মানুচ্চুন, মনহতীয়গুনোর অদ্দেক্ মানুচ্, সরায়ীয়োগুন আর যাবেষত্ বজত্তিগুরিয়্যে লিগিয়্যেগুন, অত্তাৎ তিরিয়াথীয়োগুন, শিমিয়থীয়োগুন আর সূখাথীয়োগুন। ইগুনে এলাক্ কীনীয় যিগুনে রেখবীয়গুনোর পূরোণিমানুচ্ হম্মতর বংশর মানুচ্। |
Copyright © 2021 Bangladesh Bible Society
Bangladesh Bible Society