Salmos 8 - Kaxinawá Bíblia (BR)

Deusũ kushipa uĩkĩ yurabũ kẽwãkubaĩmisbukiaki, na nawati hãtxarã

Davĩ kãta kenenikiaki

¹ Senhor Deus nukũ Shanẽ Ibu kushipatuũ, mĩ pepa kushipahairawẽ mai hirabi mĩ tsumakẽ mia kẽwãmisbuki! Mĩ kushipahaira nai binumai keyatapahaira mĩ iakea hayaki.

² Bakebu inũ bakeishtahaira txutxu akaibũ mia kẽwãkĩ pashati hiwe keska waibu nĩkatã mia haska waibu betxipaiama habu miki sinatamisbuwẽ taeshũ ha txakabubu inũ nĩkaisbuma mĩ kushipahairawẽ mĩ hatu dakewama harakiri yuitima ishãkanikiki.

³ Nai dami watã mĩ haki ushe inũ bishi dami wakĩ hanani uĩkĩ hakiri ẽ shinãmiski.

⁴ Hanushũ hunibukiri shinãkĩ: Nũ hawa watirumahairabiakẽ nukukiri hakimama mĩ nukuwẽ nuimiski.

⁵ Yurabu damiwakĩ deus itsa wabiakĩ kushipa beshmas wakĩ mĩ hawẽrua wani mĩ hatu kẽwãmiski.

⁶ Dasibi mĩ dami wani yurabũ ibu wakĩ hatu pe mekei hau hatũ shanẽ ibu ikubaĩshanũbũ mĩ hatu yununiki,

⁷ txashuwã dasibi inũ, ina awa dasibi inũ, ni merã yuinaka hiweabu inũ,

⁸ peiyabu manaũri nuyabaũmisbu inũ, hene inũ ianẽwã anu baka nunuabu inũ dasibi bakabe hiweaburã.

⁹ Senhor Deus nukũ Shanẽ Ibuũ, mĩ pepa kushipahaira shinãkĩ mai hirabi anushũ mia kẽwãmisbuki!