Salmos 67 - Kaxinawá Bíblia (BR)

Dasibi mai hirabi anu hiwebaunabũ hau Deus kẽwanũbũwẽ, na nawati hãtxarã

¹ Deusuũ, nukuwẽ nuikĩ nuku pepawawe. Mĩ uĩ pewaiwẽ nuku duawakubaĩwẽ,

² hau mai hirabi anu hiwebaunabũ haska shinãkĩ mĩ betxipaiai inũ mĩ mekenã ewapa hau mia unã keyunũbunã.

³ Deusuũ, mae tibi anushũ hau mia kẽwanũbũwẽ. Mai hirabi anushũri hau mia kẽwãriabaunũbũwẽ!

⁴ Mai hirabi nawa shukuabu tibi anu hatu shanẽ ibushũkĩ hawẽ unãti wati kushipa pepawẽ mĩ hatu mekekubaĩmiski. Hatu haska wakĩ mai hirabi anu mĩ hatu pe yunukubainaii. Haskawẽ taea hau mai hirabi anuabu mikiri sai sai iki hau benima txakayamakubainũbũwẽ!

⁵ Deusuũ, mae tibi anushũ hau mia kẽwanũbũwẽ. Mai hirabi anushũri hau mia kẽwãriabaunũbũwẽ!

⁶ Mai anu nũ mibã nuku bimishũmiski. Nukũ Deusũ nuku piti inãkĩ nuku duawamiski.

⁷ Deusũ hau nuku duawakubainũwẽ! Mai hirabi anu hiwebaunabũ hau pepawakĩ ha besti duawakĩ kẽwãkubainũbũwẽ!