Salmos 63 - Kaxinawá Bíblia (BR)

Deuswẽ yurabu benimamisbukiaki, na nawati hãtxarã

Davĩ kãta kenenikiaki.

¹ Ẽ Deusuũ, mĩ ẽ Deuski! Mia ũpash manuai keska wakĩ miki nukunũ ika ẽ mia bena txakayamaii. Ha mai metu ũpash hayama anua nia keskashũ ũpash manutxakayamai keskakĩ ẽ hiwea hirabiwẽ mia betxipaikĩ ẽ mia benakubainaii.

² Mĩ tari hiwe meribi meranua ẽ mia uĩkatsis ikaii, mĩ kushipa inũ mĩ hawẽrua uĩ shinã txãkainã.

³ Mĩ nuikiparã, mĩ nuku hiwea inãni keskama binuaki. Haskawẽ taeshũ ẽ huiwẽ ẽ mia kẽwãkubainaii.

⁴ Hiweyukũkaĩkĩ ẽ mia duawakubainaii. Mikiri ẽ mekẽ meshã ẽ mibe hãtxakũkainaii.

⁵ Piti itxapa hawẽrua watã pi benimai shinã txãkaĩ pepemisbu keskakĩ ẽ huiwẽ benimakĩ ẽ mia kẽwãkubainaii.

⁶ Meshu merã inatã ushakĩ mia shinãkubaini ẽ ushamiski.

⁷ Mĩ ẽ merabenãtũ ea merabewa benimai mĩ pũyãwẽ mĩ ea yabukĩ akawa ẽ shinã txãkãmiski.

⁸ Ẽ hiwea hirabirã, ẽ miki dasiaki. Mĩ ea haska wawẽ taeshũ mĩ mekẽ yusiuriawẽ ea tsuma mestẽwãtã mĩ ea putaismaki.

⁹ Tsuabũra ea detekatsis ikĩ benaiburã, habu mawa hatu maiwaburã, hatũ kupitirã, mai uke merãhaira bumisbuki.

¹⁰ Matxatu kenu txaipawẽ hatu tenãbu kamã inawã pikĩ hatu yamawakubaĩmiski.

¹¹ Ẽ shanẽ ibuhairarã, ẽ Deus shinaĩ ẽ benimakũkaĩmiski. Tsuabũra Deusũ kena datã aki hakiri kãtakĩ kẽwãkubaĩmisbuki. Hakia tsuabura hãtxai txanitxakaiburã, hatũ kesha Deusũ hatu bepumiski.