Salmos 43 - Kaxinawá Bíblia (BR)

Txanima kayabi Deus merabenã yukanikiaki, na nawati hãtxarã

¹ Ẽ shanẽ ibu Deusuũ, mĩ yunuti kushipawẽ ea unãtihaira wawe. Ma mĩ ea unã ẽ minakẽ ha habũ mia ikũwãbuma ea nemashũkĩ ea merabewawe. Huni txakabu txanitxakaibu anua ea pashawariwe!

² Mĩ ẽ Deusũ ea kebẽkĩ ea mekebia haskakĩ ea danãkĩ putatã mĩ txai niamẽ? Habu eki sinataibũ ea itxakawakĩ bika tenemaibũ haskai nuitapai ẽ punu nuka nikũkainai?

³ Mĩ mati meribi mĩ hanu yubakani hari mĩ hiwea anuri ea iyukĩ mĩ bai shabakabi txasha wakĩ mĩ txanima hãtxawẽ ea uĩmawe, hau hatũ mĩ bai ea yusĩkĩ tapĩmanunã.

⁴ Senhor Deusuũ, mĩ ea yunua kai hanushũ mia kẽwãmisbu anu ẽ hikishanaii. Harishũ harpa mawaibũ benimakĩ ẽ mia kẽwãshanaii. Ẽ Deusuũ, miã besti ẽ hiwea benimawakĩ mĩ ea shinã txãkãwãmiski.

⁵ Deus ikũwaĩ haki txiti itã hawa heneama Senhor Deus ẽ mekenã ẽ kẽwãkubainaii. Ana punu nukatã ẽ hawa beshteketirumaki. Haskai ẽ hamapai tibiwẽ ẽ ana nuiamaki. Ha bestihaira ẽ Deus inũ ẽ mekenikaki!