Salmos 16 - Kaxinawá Bíblia (BR)

Hiweti pepa Deus anu besti hayakiaki, na nawati hãtxarã

Davĩ kãta kenenikiaki

¹ Senhor Deusuũ, ea mekekubaĩwẽ, mia besti kẽwãkĩ ẽ mia txibainã.

² “Mĩ ẽ Shanẽ Ibũ ea duawakĩ mĩ ea pepa wamiswẽ taea ẽ benimaii. Tsua mia keska hayama mĩ hatu binu keyua kẽwãkĩ ẽ mia yuimiski.”

³ Ha enabu hatiri meribi mia hiweshũkĩ habũ mia besti kẽwãmisburã, hatuwẽ benimai ẽ shinã txãkãkũkaĩmiski.

⁴ Hakia ha habũ dami betsa deus washũ kẽwãmisburã, mĩ haska tenetiruma tenei yumãhairashãkanikiki. Hamẽ eanã, haska wakĩ hatũ dami kẽwaĩburã, yuinaka tesẽshũ ẽ hatu inaĩsmahairaki! Ha inũ, ha dami betsa betsapa kẽwãmisbu hamẽkẽ hatũ kena ẽ yuismahairariki.

⁵ Haska ẽ haya hawa shinãma mĩ ẽ Deus mekenã besti ẽ shinãkubainaii. Ea duawakĩ ẽ hiwea ea inãkĩ pe besti mĩ ea mekekubaĩmiski.

⁶ Na mai pakea mĩ ea yunukĩ shanẽ ibu wani hawẽruahairawẽ taeshũ ẽ mia kẽwaiĩ.

⁷ Senhor Deusuũ, mĩ ea mekekĩ pe yusĩmiswẽ taeshũ duawakĩ ẽ mia kẽwaiĩ. Ẽ ushabiakẽ ea hãtxa wakĩ mĩ ea tapĩmamiski.

⁸ Eã ẽ mia hawa pashkamakẽ mĩ eberi nikũkainaya tsuãra ea kanemakĩ ea txakabu amatirumaki.

⁹ Haskawẽ taeshũ ẽ huĩti ukemerã shinã txãkãhairai ẽ benimahairaii. Hawa dateama ẽ mia hiweshũkũkainaii.

¹⁰ Ẽ mawa ea maiwabu hanu mĩ ea heneama ishanaii. Hanu mawa bumisbu anu mĩ tsuma txĩtuĩsma hari mĩ ea bashiama ishanaii, hau haria ẽ yumãkũkaĩyamanunã.

¹¹ Mĩ hiwekuiã kati bai mĩ ea unãmakubainaii. Mibe nia ẽ benimahairaya mĩ ea duawakubainaii.