Salmos 14 - Kaxinawá Bíblia (BR)

Yurabu patapabũ Deus danãkanikiaki, na nawati hãtxarã

Davĩ kãta kenenikiaki

¹ Huni unaĩsma patapabũ Deuskiri shinãkĩ yuikĩ: “Deus hayamaki”, imisbuki. Haburã, parananaĩ atimapai hiweabuki. Tsua betsã hatũmebi hawa pepa wamis hayamaki!

² Naiurishũ Senhor Deusũ yurabu uĩkĩ shinãkĩ: “Tsuabu pepakĩ ea ẽ Deus ea benabaũkanimẽkaĩ?” ibiaya

³ hakia tsuã Deus benama dasibibu parananã bestimisbuki. Hanishũ huni pepa bestitxai tsuã betxitiru hayamahairaki.

⁴ Habũ txakabuwakubainaiburã, hawa Deuskiri nĩkabumaki. Habiabũri enabu hatu pikĩ itsa wakanikiki, misi pia keska wakinã. Habũ Senhor Deus ikũwãbumã hatu haska wakanikiki.

⁵ Habũ Deus nĩkakĩ txibaĩbu Deusũ hatu pe mekekubaĩmiski. Hamẽ habũ hawẽ hãtxa txibaĩsbumarã, Deuski datetxakayamai saki saki ishãkanikiki.

⁶ Habu nuitapabiakĩ Deuskiri shinãkĩ txibaĩbu hatuki kashebiaibũ hakia Senhor Deusũ hatu pe mekekubaĩmiski.

⁷ Ha Israelbũ mekenikarã, Jerusalém anu shanẽ ibunũ ika hau hushanũwẽ! Senhor Deusũ nũ hawenabu nuku ana pe mekekĩ duawaya Jacó enabu, ha Israelburã, dasibibu mae tibi anuabu benimai shinã txãkãshãkanikiki.