Salmos 139 - Kaxinawá Bíblia (BR)

Deusũ dasibi unã keyuikiaki, na nawati hãtxarã

Davĩ kãta kenenikiaki.

¹ Senhor Deusuũ, mĩ ma ea unãti waimashũ mĩ ma ea unãhairaii.

² Dasibi ẽ ikũkainai mĩ ma ea unã keyuaii. Txaihairabiashũ haska ẽ shinaĩ shũska mĩ tanaii.

³ Hanira ẽ nikaũmis inũ ẽ hanu huĩrukũmis mĩ unaiĩ. Dasibi ẽ akai mĩ unã keyumiski!

⁴ Senhor Deusuũ, ẽ hawara hãtxai kai ha hãtxa ẽ tashnimariama bebũkiri mĩ ma unaiĩ.

⁵ Ẽ hiwea dasibi ẽ aka tibi mĩ ea kebẽbaunaki. Mĩ ea tsumashũ hawa heneismaki.

⁶ Ẽ haska hayatirumabiakẽ mĩ unanepa pehairawẽ mĩ ea “Habaa!” imakubainaii, nenumahaira ẽ hari shinãkĩ tapĩtirumawenã.

⁷ Mĩ Yushĩ henebaini ẽ hani katirumẽ? Mĩ uĩ keyuaya ẽ hani kai pashai hunei katirumẽ?

⁸ Nai kuburu keyatapahaira anu ẽ inabiakaĩkenã, mĩ habianuki. Mai kini keyatapahaira merã ẽ hari butubiakenã, mĩ habiaririki.

⁹ Bari huaikiri beni nuyakaini kasmai bari hikiaikiri ianẽwã kesuauri ẽ hiwebiakẽ

¹⁰ habiaria mĩ ea mekekubaĩshanaii. Mĩ mekẽ yusiuriwẽ ea tsumashũ mĩ ea heneama ishanaii.

¹¹ Eã shinãkĩ meshutẽ ikai merã ẽ mia hũtãtiru dabanẽ ha shaba txashapã ea keshebauna betsa wakĩ meshu wanũ ika ẽ ibiaya

¹² ha meshũ ea merabewakĩ mia anua ea hunematirumaki. Ha meshurã, shaba keskai txashahairamiski. Ha meshu inũ shabarã, minarã, habiaska dabeski.

¹³ Tsuã ea animẽ, ẽ yura dami wakinã? Habia miã mĩ ea aniki. Ẽ ewã bake nãti merã nanekinã, habia miã mĩ ea aniki.

¹⁴ Haskawẽ taea e itã ẽ mia kẽwaiĩ, mĩ ea pehaira waniwẽ taeshunã. Na yura ẽ hayarã, mĩ ea pehaira wani txanima ẽ ikũwaiĩ.

¹⁵ Ẽ yura yumeirã, hawa mia anua huneama iniki. Ẽ hunehaira nanetã ewabiai inũ mai kini keyatapahaira keska meranua ẽ ewakũkainai mĩ ea uiniki.

¹⁶ Ẽ yura ewairã, mianã, mĩ beruwẽ mĩ uĩ keyuniki. Mĩ ea haska wani dasibikiri mĩ una merã mĩ ekiri keneni hayaki. Ẽ dama nanei pabuyariama inũ kaĩtã hati shaba ẽ hiwepakeshanai ea tanatã bebũkiri mĩ unã keyuniki.

¹⁷ Senhor Deusuũ, mĩ shinã unanepa uke merã tapiã bikahairaki. Haska mĩ shinaĩ itxapa tsuã mikiri tanatirumaki.

¹⁸ Ẽ mikiri shinãkĩ tana taewabia mashiti keskakẽ haska washũ ẽ tana keyutirumaki. Hakia mĩ shinã tana keyukatsirã, mia putama mibe ikũkaĩkĩ ẽ mia henetirumaki.

¹⁹ Senhor Deusuũ, habũ hatu txakabuwaibu hatu tenãwẽ! Tsuara eki sinatakauã ea tenãtirubu hatu txai nitxĩwẽ!

²⁰ Tsuabura mikiri hãtxa txakabumisbu inũ mĩ kena mia hamẽ yui yubakamisburã, hatu txai nitxĩriawe.

²¹ Senhor Deusuũ, habu miki sinatakĩ mia danãmisbu inũ habũ mĩ hãtxa nĩkama mia danãmisburã, eanã, ẽ hatu danãmarimẽ?

²² Txanima ẽ huĩti hirabiwẽ habuki sinatakĩ ẽ hatu danãmiski. Haburã, ẽ hatuki sinatatai henetirumaki.

²³ Deusuũ, ẽ huĩti uke merã ea unãti wakĩ keyuwe. Ẽ shinã dasibi haska ẽ pemẽkaĩ, ea unãti wakĩ keyuwe.

²⁴ Haratu baiwẽ ẽ kai uĩkĩ ẽ bai txakabuwẽ kai unãtã ea pekiri iyukĩ mĩ hiwea bai ikibi ikakiri ẽ hawẽ kanũ ea mekekubaĩwẽ.