Salmos 110 - Kaxinawá Bíblia (BR)

Senhor Deusũ shanẽ ibuhaira wakĩ hawẽ kushipa inãshanikiaki, na kãtati hãtxarã

Davĩ kãta kenenikiaki.

¹ Deus kushipa dasibi binuatũ ẽ shanẽ ibu yuikĩ: “Miki sinataibu ẽ hatu maemariama manai ẽ yusiuri tsauyuwe, mĩ tae hanakĩ hatuki kẽyãtanã.”

² Sião anushũ Senhor Deusũ hawẽ shanẽ ibu unãmati mane mestẽti mĩ hawẽ kushipashanai mia inãshanikiki. Bitã miki sinataibu maemakĩ hatu yunukubaĩwẽ!

³ Ha shabatiã hatube detenamekĩ mĩ hatu maemashanũ minabũ mia merabewai mia anu beshãkanikiki. Mĩ mati meribihaira hatu dami wanirã, habũ nibi inũ penaya hawẽruahaira peshekirãmis keska bari tibi pei mĩ benaskũkaĩshanaii, berunãsi kushipairã.

⁴ Senhor Deus mikiri hãtxai yubakaniwẽ taearã, Senhor Deusunã, hawa shinã betsa wama ipakeshanikiki, eska hãtxaniwẽ taearã: “Miarã, minabu ebe hãtxashunika niti ikama mĩ ipakeshanaii, Melquisedeque ipauni keskairã.”

⁵ Senhor Deusunã, mĩ yusiurishũ mia merabewaikiki. Hanu sinatahairakauanaitianã, shanẽ ibuhairabu kupikĩ hatu yamawashanikiki.

⁶ Nawa shukua tibibu hatu unãti watã hatũ kupiti yunubaũshanikiki. Hatu haska watã mawa manibainabu hatu itxawashanikiki. Mai hirabi anu teshtekea manibaĩshãkanikiki.

⁷ Ha bai namaki ũpash habai akairã, ha ũpashanã, ana hawẽ kushipa bena inãshanikiki.