Salmos 100 - Kaxinawá Bíblia (BR)

Deusunabũ ha besti kẽwãtikiaki, na nawati hãtxarã

¹ Dasibi mai anu yurabu hiwebaunabuũ, benimakĩ Senhor Deus kãtashũkãwẽ!

² Shinã txãkãkĩ dãti itã Senhor Deus kẽwãkubaĩkãwẽ! Ha bebũ bea benima txakayamai kãtakubaĩkãwẽ.

³ Senhor Deusrã, unãti wakãwẽ. Nukũ Deuski. Hatũ nuku dami wani nũ hawenabuki. Nukuburã, nũ hawẽ yurabuki, hanu basi pepa benemis anu hawẽ txashuwã mapua keskaburã.

⁴ Deusũ hiwe beputi anu inũ hawẽ hemaĩtĩ kenekauana anu hiki bekãwẽ, ha kẽwãkĩ inũ pepawakĩ kãtashũkinã. Dasibi Deusũ matu ashũmiswẽ taeshũ pepawakĩ kẽwãkãwẽ, hawẽ kena pepawẽ duawakinã,

⁵ Senhor Deus pepa bestiwẽ taeshunã. Hawẽ nui paerã, keyutirumaki, ikibi ikarã. Hawẽ shinã betsa waisma ipakeikiki, keyuismarã.