Habacuque 3 - Kaxinawá Bíblia (BR)

Habacuquẽ Senhor Deus kẽwãkĩ hawẽ kushipakiri yuinikiaki, na hãtxarã

¹ Deusũ hãtxa yuishunika Habacuque Senhor Deusbe hãtxakĩ yuiniki:

² “Senhor Deusuũ, dasibi mĩ akubaĩmiskiri nĩkakĩ uĩ mia betxipaibiai e iki miwẽ ẽ datekũkainaii. Nũ hiweyua nuku unãmakĩ mĩ kushipawẽ haska mĩ akubirani keska wakĩ mĩ kushipa ana nuku uĩmawe. Nũ Israelbuki mĩ nukuki sinatabiai mĩ nukuwẽ nuiai nuku uĩmawe”, iwanã,

³ “Mikiri eska yui nũ kãtamiski: ‘Mae kesuakea Temã anua Deus ma huikiki. Mati Parã anua nukũ Deus meribi ma huikiki. Deus txashakapatũ nai hirabi txasha waya mai hirabi anushũ Deus kẽwaĩ hakiri kãtakubaĩmisbuki.

⁴ Hawẽ mekẽ anua bĩ txasha txasha wabirani dasibi hawẽ yura txashai keyukirani nukũ Deus huikiki, hawẽ kushipahaira ibubis hunemis shabakabi hatu uĩmabiranirã.

⁵ Deus huaikiria isĩ betsa betsapa txakabuhaira bebubiranaya hanua Deus itxũ yuna paepa bekĩ hatu isĩ tenemabiranikiki.

⁶ Deus hui haskakirani niti ikaya dasibi mai patxa sakui saki saki ikaya ha mati matipa inũ mawa keyatapa ikibi ini purekeai nũ uĩsmabia purekei keyubiranaya haskai nawa betsa betsapabũ uĩ datehairai saki saki ikubaĩkanikiki. Hakia Deus haskakũkirani hawẽ hiwea ikibi ika hawa beshtekeamaki’, iki nũ mikiri kãtakũkainaii.

⁷ Cusã anu hiweabu ana haskatima dakei bika tenehairaibu inũ Midiã anu hiweaburi haburi datehairaibu ẽ hatu uĩmaki.

⁸ Senhor Deusuũ, hene tibi inũ ianẽwã dasibiki mĩ hatuki sinatahairai? Mĩ cavalo tarãbaĩtiki nia mĩ ma hatu maemai huai?

⁹ Mĩ detenameti kanũ inũ pia itxapa mĩ ma pewaima mĩ hayaki. Hanua henewẽ mai pashka akeakekĩ hene bai tibi wakĩ mĩ ma pewaimaki.

¹⁰ Mati matipatũ mia uĩ saki saki ikaibũ hanua nai anua ui kushipahaira ikaya hanua hene matahairai tũkash tũkash ibiranaya ianẽwãri nuahaira buspu tsaubirãbiranikiki.

¹¹ Mĩ pia mĩ bishku bishku aka txasha txasha itxakayamaya mĩ hashiri mĩ puta puta aka hawẽ debu anua kana bakai keskai txasha txasha ikaya bari inũ usheri ha tashnimis anua ana tashniamakẽ

¹² hanua mai hirabi anu hiweabuki hatuki sinatahairai kakũkaini nawa betsa betsapa hiweabu hatu kupi mĩ hatuki pai pai ika keskashanaii.

¹³ Hatũ shanẽ ibuhaira miã ibubis mĩ katuni inũ, minabu merabewanũ ika tashnikirãkĩ huni txakabubũ hiwe berãkĩ yamawakĩ hanua tsuãra hiwe wakatsi ha dukũ mishki buyakĩ taewai habu miki sinataibu mĩ hatu yamawãshanaii, kini besti hatu henekinã.

¹⁴ Shanẽ ibũ detenamenikabu cavaloki katsaumebiranaibu mirima kushipai keĩ niwe keskabirani: ‘Nuku besti nũ kushipaki’, ika hawairabirã nuku tsuã merabewama dabanẽ hunebirã nuku tsakakĩ kushimakĩ yamawanũ ika bebiaibũ ibubis hawẽ piawẽ hatũ shanẽ ibu mĩ tsakashanaii.

¹⁵ Ianẽwã nuahaira buspu tsaubiabiranaya nakui mĩ cavalo itxapawẽ mĩ kushikaũshanaii.

¹⁶ Mĩ haska washanai nĩkatã ẽ datehairaii. Ẽ kesha tari tari iki ẽ yura hirabi ẽ kushipa benui babui ẽ kishi mestẽtiruma ikimaki. Haskabiashanaya nukuki sinataibu tsakanamenikabu ha shabatiã Deusũ hatu bika tenemabiashanaya haskabiaya eã unanuma ẽ manakubaĩshanaii.

^17-18 Nukũ Mekenika Senhor Deusũ nuku pashawashanaiwẽ taea ẽ benimahairashanaii. Nukũ mai pakekawana nukuki sinataibũ dasibi txakabuwakĩ keyuabũ figueira hi hua hawa hayama inũ, uva bai hawa bimi hayama inũ, oliva hi hawa bimi hayamarikẽ hanua bai anuri hawa mibã bimi tsekatirubu hayamarikẽ txashuwã shukua dasibi yumetsui keyuabu ana hayama inũ, inapã hiwe anu ina awa betsa taska niamabiakẽ Senhor Deus ẽ kẽwãkubaĩshanaii.

¹⁹ Ẽ shanẽ ibu Senhor Jeovaã, ea kushipa inãkĩ ni txashu hawaira kaĩmis keska ẽ kishi ea wa mati keyatapa hanu pashati anu Senhor Deusũ ea iyukĩ mapemashanikiki”, inikiaki.