1 Reis 6 - Kaxinawá Bíblia (BR)

Salomãonẽ Senhor Deus kẽwãti hiwe templo hatu amanikiaki, na hãtxarã

¹ Hawẽ shenipabu Israelĩ enabu Egito anua pashai tashnibiranibu 480 ano binukainaya ma 4 ano Salomão shanẽ ibukũkaĩkĩ ushe ha katxu hawẽ kena Zivetiã Senhor Deus kẽwãti hiwe wakĩ hau daya taebainũbũ Salomãonẽ hatu yunua

² hatishũ kesua inũ hatia masua hawẽ txaiparã, 27 metro inũ hawẽ hashpa 9 metro inũ hawẽ keyataparã, 13 metro meio akĩ keyuabu

³ hanu hikiti shui bebũ hawẽ bepuru hanu utati deshaba wakĩ Salomãonẽ hatu yunua ana txitxikĩ haska wakĩ hawẽ txaipa 9 metro ha kẽwãti hiwe hawẽ hashpa habiatiubukũs wakĩ hawẽ deshaba 4 metro meio inũ hawẽ keyatapa 8 metro wakĩ txipu mane txibu washanaibu unãtã hi txibu nitxiãbu

⁴ hawẽ txaipa ispi dabe anu hanu niwe hikiti shui mane nanitxĩkĩ hau hashu wanũbũ Salomãonẽ hatu yunua niwe hikiti shui anu mane nũkupabu betsa betsapa nakishkunabu

⁵ hawẽ kẽwãti hiwe ispibukũ ha dapi dĩtu dabe wakĩ aruti tapu itxapa wakĩ dabe inũ besti tapa hau anũbũ Salomão hatu yunuria

⁶ hawẽ kẽwãti hiwe mishki kene anu haki nakishkũ mistuti shui wakatsi ikama hawẽ kẽwãti hiwe mishki kene anu hawẽ nakishkũ hanati watã ha dukũ hanu aruti tapu hawẽ nashaba 2 metro 20 centímetro inũ hawẽ keyatapa anu hawẽ kẽwãti hiwe kene 45 centímetro hashu watãri ha katxu manaũri aruti tapu hawẽ hashpa nashaba 2 metro 70 centímetro ana ha katxu manaũri aruti tapu hawẽ henea nashaba hashpa 3 metro 10 centímetro hawẽ keyatapa anu hawẽ kẽwãti hiwe kene ana 45 centímetro hashu watãri haska wakĩ Senhor Deus kẽwãti hiwe templo kene anu sheshakubaĩkĩ hawẽ aruti dĩtu tibi keyuabu

⁷ Senhor Deus kẽwãti hiwe wakĩ mishki tibi ewapa inũ hatiubuma betsa betsapa bebũkiri 6 sapa kerã tibi hatiubus kesua inũ hatia masua wakĩ datsakĩ pehairawaimabuwẽ taea mae betsa anua mishki bebirã bebirãkĩ bari itxapa hanus mãtxĩkubainimabũ hawẽ mastati inũ due inũ hawẽ mane dayati betsa betsapa ana hawa tsuã meamawẽ taea tsuã kusha kusha akama nishmahaira dayakĩ tsama bestiaibũ

⁸ Senhor Deus kẽwãti hiwe ispi yusiuri hawẽ aruti dĩtu ha dukũ tapu hikiti shui beputiya wabu, hawẽ inakaĩti tapaiti sharabu wakeakeabu ha katxu tapa inũ ana ha katxu tapa anu keyutã hanushũ dasibi tapaiti wabaĩkĩ txĩtuã akeakebaĩkĩ meneabu

⁹ hawẽ kẽwãti templo mishki kene ma keyuabu kusha tuash ewapa 9 metro keyatapa besha hawẽrua tsamĩkĩ kekũbaĩkĩ keyushũ hawẽ ixkixkũki netãbaĩkĩ keyuabũ

¹⁰ hawẽ kẽwãti hiwe dũkebauna hawẽ aruti hawẽ keyatapa 2 metro 20 centímetro kusha nakishkũ tibi hawẽ kẽwãti hiwe kene anu sheti akĩ pehaira washinabu

¹¹ Senhor Deusũ Salomão yunukubaĩshĩshũ ana yuikĩ:

¹² “Na hanushũ ea kẽwãti hiwe mĩ ma menekubainaiwẽ taeshũ ẽ mia yuiai ea nĩkawe. Haska mĩ shenipabu ẽ yununi hãtxa nĩkakubaini pe hiwekaĩkĩ ẽ yunuti hãtxa inũ ẽ nemati hãtxa mĩ txibãkubainaya haska mikiri mĩ epa Davi ẽ yubani ẽ mia ashũkubaĩshanaii.

¹³ Mĩ haskaya Israelĩ enabube ẽ hiwekũkaĩshanaii. Enabu Israelĩ enaburã, ẽ hatu putama ikũkaĩshanaii”, aka

¹⁴ Senhor Deus kẽwãti hiwe uke merã keyukatsis ikĩ Salomãonẽ ana hatu yunua

^15-16 kusha tuash sapa itxapawẽ uke merã mishki kene keyubiakẽ ana hamamaki kebẽbaũkĩ manaũri inũ namã tsamĩbaũkĩ keyushũ mishki tapabiakẽ hi betsa cedro nukũ hãtxawẽ yuiarã, buni keskarã, haska ha tuashwẽ atximabaũkĩ keyuabu hawẽ shenipabube Senhor Deus yubakani hãtxa aruni bau hanu tsaũti ha pake betsa petxiuri nashaba 9 metro washiãbu kenakĩ: “Dĩtu Meribihairaki”, akĩ kenati watã ha dĩtu betsa pakekĩ tari keshtupawẽ kebẽkĩ pũtebaĩkĩ keyuabu

¹⁷ ha Dĩtu Meribihaira bebũ dĩtu nashaba betsa hawẽ txaipa 18 metro wanibukiaki.

¹⁸ Senhor Deus kẽwãti mishki hiwebiakẽ uke merã uĩtima wakĩ kushawẽ bebetã nupewẽ dami wakĩ ni hua inũ ni bimi keska wakĩ hawẽ kene dau wakĩ hawẽrua wanibukiaki.