Salmos 87 - Kashibo-Kakataibo Biblia

Diosan kaisa Jerusalén ëma rabi kantati bana

¹ A mi ëma biruti Diosan ëma kakë, ax ka upí kakë bashi anubia ꞌamia ꞌikën.

² Diosan ka Jerusalénnu ꞌikë ëma xëkuëkama bëtsi ëmakama Israelnu ꞌikë ꞌakësamaira okin upíokin bërúaia, Israelnën anu ꞌinuxun xubukama ꞌasamaira okin.

³ Diosan ëma upíira, mi ñui ka unikama upíira ka ax ꞌikë kiax kikania:

⁴ Ësai ka Dios kiaxa, an ꞌë ꞌunánkë ëmakama raírinua kana ënë uni raíri kaísan, akamax ka ꞌikën, Egipto, Babilonia, Filistea, Tiro, ꞌimainun Etiopía, ënë ëmakama ka Jerusalénnu ꞌikë unikaman ka ꞌunánxa.

⁵ Usa ꞌain ka a ëmanu ꞌikë unikamax kikanti ꞌikën: Sión kakë ëmanuxun kananuna Dios ꞌunan kiax kinkanti ꞌikën, Dios manámi ꞌikë kushiira ax ka usai kia. ꞌImainun ka Jerusalénnu ꞌikë unikamaxribi usaribiti kiti ꞌikën.

⁶ Nukën ꞌIbu ka kirikanu anubia ꞌiti ëmakaman anë kuënëoti ꞌikën: a unikaman ka anuax bakë́an ꞌixun Jerusalénnuxun Dios ꞌunánkëxa.

⁷ Usa ꞌain ka ax kantai ransakë, a unikamax kiti ꞌikën: nun kananuna Dios Jerusalén ëmanuxun ꞌunánkë kiax ka kikanti ꞌikën.