Salmos 150 - Kashibo-Kakataibo BibliaA mëëkin anun Dios rabiti ñukama ñuikë bana 1 ¡Usa ꞌain kananuna ashi ësokin rabiti ꞌain! ¡Rabikin aín xubunuxunbi rabikë ka Dios ꞌiti ꞌikën! ¡Rabikin naíkamë ꞌëo kuman batsisa ꞌitanua unio anuxunbi rabikë ka ꞌiti ꞌikën! 2 ¡Rabikë ka Dios ꞌiti ꞌikën, ax kushiira ꞌixun ka aín kushínbi ñu chaiirabu ꞌakëxa usa kupín! ¡Rabikë ka bëtsi ñu kushibëtan sënë́nmaira ax ꞌiti ꞌikën! 3 ¡Rabikin ka manë banañu banokin anun rabikë ꞌiti ꞌikën! ¡Rabikin ka arpa ꞌimainun bëtsiokin ꞌakë a mëëkin ati anúnribi rabikë ꞌiti ꞌikën! 4 ¡Rabi ka manë sharíkati ꞌakë a sharíkai abi tani ransati ꞌikën! ¡Rabikin ka a xunkati ꞌakë a xunkai ꞌianan anun mëëti risi satëonkin ꞌakë akama mëëkin rabiti ꞌikën! 5 ¡Rabikin ka manë parókin ratusa okin ꞌakë a tsarankakin rabiti ꞌikën! ¡Rabikin ka bënë́kinshi manë tsarankakin rabiti ꞌikën! 6 ¡Kamabi ñuina axa suñun uinkë ꞌimainun unikama anbi ka rabiti ꞌikën! ¡Usa ꞌain kananuna ashi ësokin ax kuëënkësabi okin rabiti ꞌain! |
© 1978, 1995, 2008, 2022 Wycliffe Bible Translators, Inc. All rights reserved.
Wycliffe Bible Translators, Inc.