Salmos 15 - Kashibo-Kakataibo Biblia

Dios rabinux ka uni usai ꞌiti ꞌikë kiax kikë bana

¹ Dios, ¿uix kara mix anu ꞌikë aín bashi upíira anua ꞌikë xubusa okin chupa ꞌakë anu ꞌiti ꞌik?

² Anu ka ꞌiti ꞌikë an upí ñuishi ꞌakë ꞌimainun an upíokinshi ꞌakin ënkinma abi ñu upíshi ꞌakë uni; ax kuni ka ꞌain bana kikësokinshi ꞌai upí ꞌiti ꞌikën;

³ ꞌianan ka uix kara bëtsi ñui ꞌatimai bananan; an ꞌunánkë uni ꞌatima oti sinanx banaima ꞌianan; a rapasu ꞌikë uni ꞌakëxumabi a kuami ꞌatima oti sinanx banaima ꞌimainun;

⁴ an ñu ꞌatima ꞌati kuëënkë uni abi iskinma, Dios ishi rabia ashi nuibakë uni ꞌianan; uisa ñu kara ꞌakatsi kiaxa añu uisa ñu kara inúkinbi ꞌakë uni;

⁵ ꞌianan aín kuríki bëtsi uni ꞌinánkin na ꞌinánkë a inumikian ꞌinánun kixun ubíokëma; ꞌimainun bëtsi uni ñu ꞌatima ꞌakëmabi bëtsi ꞌatima onun kixun kupíokëxunbi, usokin ñu ꞌati kuëënkinma ꞌakëma. Uni ax ka uisa ñubi ꞌinutima upitax tsóti ꞌikën.