Salmos 127 - Kashibo-Kakataibo Biblia

Nukën ꞌIbun ka kamabi ñu ꞌimia kikë bana

¹ Nukën ꞌIbun xubu ꞌakëbëma ka an ꞌakë unikama an tëkëbi ñankanbi tëkë ꞌiti ꞌikën; Diosan ëma bërúankëbëma ka ñankáishibia an bërúankë unikaman bërúankë ꞌiti ꞌikën.

² Pëkarakëma ꞌainshi ꞌapunkin bari kuantamainun ñu mëëkë ax ka ñankabi ꞌakë ꞌikën ꞌimainun tëmërakin ñu bixun pikë ax ka ꞌaisama ꞌikën, usaia ꞌimainun ka Diosan an ꞌunánkë unikama upiokin sinánxunia.

³ Unin bakë bëchikë bakënkëkama ax ka upíokin sinánxunkian Diosanbi nu ꞌinánkë ꞌikën.

⁴ Unin bëná pain ꞌixun bakë bëchikëkama ax ka achúshi uni ꞌakánanti ꞌunan ꞌixúan ain piakama tuíanx upí tani kuëënkë usaribi ꞌinun uni ꞌimia.

⁵ ¡Chuámarua ka pia ꞌitsa ñu uni ax ꞌikën! Usaribi ka bakë bëchikë ꞌitsañu unin tania, Usa ꞌain ka axa ami nishkë unikaman ismainun an bana mëníokë unikaman kuënkëx anu kuania atun bakë bëchikënën ꞌakinkëx rabinkë ꞌitima ꞌikën.