Salmos 1 - Kashibo-Kakataibo Biblia

ꞌUchañuma unikama kuëënmainun ꞌuchañu unikama kuëëntima bana

¹ Ui unin kara ñu ꞌatima ꞌakë unikaman ꞌësëkin kakëxunbi an kakësa okin aima, ꞌianan, uni ꞌuchañu kamabë nitsi ꞌuchaima bëruankakin bëtsi ñukamaribi ꞌaíma ꞌianan axa Diosmi kuai banakë unikamabë nitsima, ax ka chuámarua tani kuëënti ꞌikën,

² usai ꞌikin ka Diosan bana kikësa okinshi ꞌakin, a manukinma nëtën ꞌananbi imë́ribi a bana ënkinma ꞌati sinania.

³ A unix ka baka ꞌurama nikë i aín tapun me ꞌukëmëu kuani nikë axa tuákësa ꞌianan, uínsarabi aín pëchi chushi rëukukëma usaribi ꞌikën. ¡Usa ꞌain ka kamabi an ꞌakë ñukamax upí ꞌia!

⁴ Usa ꞌaínbi ka an ñu ꞌatima ꞌakë unikaman ꞌakë ñux usai ꞌima, usa ꞌaish ka atun ꞌakë ñux ni pëchi chushikë suñun tákakin pukë usaribi ꞌikën.

⁵ Usa ꞌain ka an ñu ꞌatima ꞌakë unikama atux Diosan ꞌatima okë ꞌaish. Anúan an ñu upíokin ꞌakë unikama ꞌikë anu ꞌitima ꞌikën.

⁶ Diosan ka an ñu upíshi ꞌakë unikama atun tsóti bërúaia, ꞌaínbi ka an ꞌatima ñu ꞌakë unikamax ꞌaisama ñu ꞌai anunbi ꞌatimatia.