Proverbios 24 - Kashibo-Kakataibo Biblia

³ Ñu ꞌunainra ꞌiti ax ka an xubu upíokin ꞌakë unisa ꞌianan, an upíokin sinaínraxun ñu ꞌakë unisa ꞌikën;

⁴ usa ꞌixun ka upíokin sinánxun, aín katakama anu ñu upíbu bixun bukúnti ꞌakë usa ꞌikën.

⁵ Uni ñu ꞌunán ax ka kushi unibëtan sënë́maira ꞌikën; ñu ꞌunánti ax ka unin kushisamaira ꞌikën,

⁶ usa ꞌain ka bëtsibë ꞌakananuxun uisoxun ꞌati kara kixun pain sinántankëxun ꞌati ꞌikën, usa ꞌixun ka an ꞌunánkë unikaman kakësabiokin ꞌai abë ꞌakanankin kupitanuma ꞌati ꞌikën.

¹⁷ Axa mimi nishkë uni uisa ñu kara inuti tatíki pakëtia iskinbi, kamina ami kuai kuëënkin fiesta ꞌatima ꞌain,

¹⁸ usakin ꞌaia ka Diosan a upí istima ꞌikën, usa ꞌain ka Diosan nishkinbi uisabi otima ꞌikën.

¹⁹ An ñu ꞌatima ꞌakë unikaman uisa ñu kara ꞌakëbëbi kamina ami nishtima ꞌain, ꞌianan kamina an bana kuakëma unikaman ñu ꞌaiabi a istisama tani nutsitima ꞌain,

²⁰ usa ꞌaínbi ka an ñu upima ꞌakë unikaman upioxun ñu mëëkinbi sënëoima; ¡usa ꞌain ka an ñu ꞌatima ꞌakë unikamax tirí bënankëx bamakë ꞌiskësashi atun tsóti ꞌiti ꞌikën!