Números 6 - Kashibo-Kakataibo Biblia

Sacerdote unikama upíokin sinánxuan bana

²² Ësokin ka Nukën ꞌIbun amiribishi Moisés katëkëankëxa:

²³ Aarón ꞌimainun ain bëchikëkama kamina Israel unibu upíokin sinánxunkian ësokin kanun kati ꞌain:

²⁴ Nukën ꞌIbun ka upíokin sinánxunkin mi bëruánti ꞌikën;

²⁵ Nukën ꞌIbun ka mi upí isti ꞌikën, ꞌimainun ka nuibakin mi ꞌakinti ꞌikën;

²⁶ Nukën ꞌIbun ka mi ꞌitsaira nuibati ꞌikën, ꞌimainun ka upiti tsónun mi ꞌakinti ꞌikën.

²⁷ Ësokian sacerdote unikaman ꞌën anë ñuikin Israel unikama kakëbëtan kana, ꞌën asérabia usai ꞌinun ꞌimiti ꞌain.