Números 10 - Kashibo-Kakataibo Biblia

Israel unikama aín bashi Sinaí kakë anuax kuan bana

¹¹ Bari achúshi inutankëx bari itsi ꞌirukë anúan ꞌuxë achúshi inúkëbëa ꞌuxë itsi xamarukëbë ka xubusa okin chupa ꞌakë anua achúshi ñu ꞌakë ꞌikë xubu kaxunuax kuin manámi ki niruakëxa.

¹² Usai ꞌikëbë ka israel unibu tsuákirukiani anu uni ꞌikëma me aín bashi Sinaí kakë anuax kuankëxa. Kuantankëx ka anu uni ꞌikëma me itsi Parán kakë anua kuin ax nirakëkëbë anuribi israel unikama nirakëaxa.

³³ Usa ꞌain ka Nukën ꞌIbun bashi Sinaí kakë anuax kuani rabë́ ꞌimainun achúshi nëtë ꞌikiani kuankëxa. Kuankian levita uni raírinën Nukën ꞌIbu Diosan bunántisa kurin ratakakakë anua aín ñukama purukë a rëkuë́mibiani kuani uinu kara tantiti ꞌikë kixun baribiamainun ka ꞌaisamaira uni atu kaxú kuankëxa.

³⁴ Uisa nëtën kara anua ꞌikë anuax atux kuania a nëtënbi ka Nukën ꞌIbun ꞌimikëx kuin atu manámi kuankëxa.

³⁵ Kuankian bunántisa kurin ratakakakin ꞌakë a rëkuë́mibiankin buánkëbë ka Moisés ësai kiakëxa: ꞌËn ꞌIbu numi ꞌakinti kananuna kuëënin. ¡Ax mimi nishkë unikama abístanun ꞌimiti kana kuëënin! ¡ꞌËx kana mi isi ꞌikësa ꞌinua ax numi ꞌikë unikama abísti kuëënin!

³⁶ ꞌAínbi ka bunántisa okin ꞌakë an buánkë unikaman nírakëkinkëbë Moisés kiakëxa: ꞌËn ꞌIbu min uni Israel unikama kamina bërí ëntima ꞌain, ax ka tupuntisamaira aín suntárukama ꞌikën.